Werk, bekostigbaarheid wurg 1ste-keer huiskopers

Maandag, Oktober 17th, 2016

Eugene Brink

 

Eerste-keer huiskopers maak ʼn vinnig kwynende gedeelte van totale verkope uit terwyl die ekonomie steeds voortstrompel.

“Die kanse is deesdae opgestapel teen eerste-keer kopers, en 2016 word aangedui as die jaar waarin die groeitempo in die vorming van nuwe huishouding begin verstadig het,” sê John Loos, eiendomstrateeg by FNB.

Die FNB Eiendomsagent-oorsig se beraming van eerste-keer kopervlakke, uitgedruk as ʼn persentasie van totale huisverkope, dui ʼn ooglopende afname in hierdie tipe residensiële aanvraag regdeur 2016.

“Vanaf ʼn beraamde 26% in die finale kwartaal van 2015, het die eerste-keer koperpersentasie gedaal na 18% teen die derde kwartaal van 2016. Dit is beduidend laer as die multi-jaar hoë persentasie van 28% bereik in die tweede kwartaal van 2014.

“Dit beteken die gemiddelde jaar-tot-op-datum koperpersentasie vir 2016 is 20%, ʼn daling teenoor 2014 se 26.5% gemiddeld.”

Hy sê daar is twee redes hiervoor. “Eerstens, die ooglopende faktor sou sekerlik die afname in huisbekostigbaarheid in die afgelope jare wees, deels as gevolg van die gemiddelde huisprysgroei wat tot onlangs Per Capita Inkomstegroei oorskry het, en deels as gevolg van matige rentekoersstygings vanaf vroeg-2014 tot vroeg-2016.”

Die tweede faktor wat geglo word ʼn sleutelrol in die swakker wordende tempo te speel is die huismark wat baie afhanklik is van inkomste afkomstig van suksesvolle toetrede tot die arbeidsmark.

“En na ʼn paar jaar van ekonomiese stagnering, het dit in die eerste helfte van 2016 gelyk asof die vertraagde negatiewe impak op werkverskaffing besig was om na vore te kom. Vir die eerste keer sedert die finale kwartaal van 2010 het die jaar-op-jaar veranderingskoers in totale werkverskaffing negatief gedraai tot soveel as -0.7%. Met die tempo van nuwe toetrede tot die arbeidsmark wat skynbaar verstadig het, kan verwag word dat die tempo van nuwe toetrede tot die huismark ooreenkomstig sal volg.”

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161