Wat kan ek insluit by ’n eis vir skadevergoeding?

Dinsdag, Augustus 11th, 2015

Sanette de Jager

 

Skadevergoeding word opgedeel in twee soorte skade, naamlik spesiale skadevergoeding en algemene skadevergoeding.
Wanneer jy iets ontvang wat geld kos, byvoorbeeld ’n diens waarvoor jy moes betaal, kan jy eis vir spesiale skadevergoeding. Spesiale skadevergoeding word ook gesien as vermoënsskade. Vermoënsskade is die verlies of waardevermindering van ’n bate of die ontstaan of vergroting van ’n vermoënsskuld.

Wanneer jy lyding ervaar as gevolg van iemand anders se fout, kan jy geld eis om te vergoed vir daardie lyding, Dit is algemene skadevergoeding. Algemene skade kan ook gesien word as nie-vermoënsskade. Nie-vermoënsskade is die nadelige inwerking op die persoonlikheidsbelange van ’n individu wat nie sy ekonomiese posisie raak nie.

Enkele voorbeelde van spesiale skadevergoeding is:

 

–           Hospitaal- en mediese rekeninge vir behandeling ontvang vanaf datum van die ongeluk/voorval.

–           Toekomstige hospitaal- en mediese onkoste.

–           Lone/inkomste wat jy reeds verloor het weens jou beserings.

–           Toekomstige lone/inkomste wat jy sal verloor as gevolg van jou beserings.

–           Koste van iemand om jou te versorg.

–           Verlies aan die broodwinner.

–           Begrafnisonkoste.

–           Vervoeruitgawes.

 

Skadevergoeding vir onderhoudverlies word beperk tot R182 857 per jaar ten aansien van elke broodwinner wat oorlede is.

Skadevergoeding vir die verlies aan inkomste word ook beperk tot R182 857 per jaar. Hierdie bedrae word gereeld gewysig om met inflasie tred te hou.

Enkele voorbeelde van eise vir algemene skadevergoeding is:

 

–           Pyn en lyding.

–           Skok.

–           Gebreklikheid as gevolg van die ongeluk/insident.

–           Verminking.

–           Gebrek aan lewensgenietinge.

–           Verkorte lewensvooruitsig.

 

Indien jy ’n eis om skadevergoeding wil indien, sal dit raadsaam wees om ’n prokureur te nader. Hierdie eise kan redelik kompleks van aard wees. Daar is baie bewyse wat gelewer moet word om die kwantum van jou eis te bepaal voordat jy met so ’n eis sal slaag.

Ander Artikels

Skop vas en moenie onnodig koop nie
Anja van den Berg   Alles rakende jou supermark is bedoel om jou geld te laat bestee wat jy nie beplan het om te bestee nie, en selfs geld wat jy nie regtig hoef te bestee nie. Hoewel die meeste mense aan produkte dink in terme van die funksionele eienskappe daarvan – die instrumentele waarde […]
Agterbakse supermarktaktieke om jou onnodige goed te laat koop
Anja van den Berg   Het jy al ooit aanvaar dat iets ʼn winskoop is net omdat die prys in rooi geskryf is? Of besluit om daardie duur handsak of aktetas te koop omdat jy daarvan oortuig was dat jy dit verdien? Of ʼn hand vol ongesonde snoepgoed van die impulsrak gegryp terwyl jy toustaan […]
OTM-kaartruilslenters neem toe: Let op hiervoor!
Die Suid-Afrikaanse Bankrisiko-inligtingsentrum (Sabric) waarsku die publiek om op die uitkyk te wees te midde van die hoë voorkoms van OTM-kaartbedrog in die land. Die groep het gewaarsku dat daar weer ʼn “kaartruil”-skelmstreek in Suid-Afrika voorkom en ʼn uiteensetting van die betrokke skelms se modus operandi gegee om die publiek teen hul metodes te waarsku. […]
1 2 3 152