Wanneer moet huurders se deposito’s terugbetaal word?

Donderdag, Augustus 25th, 2016

Die eienaar kan enige bedrag van die deposito gebruik vir items verskuldig deur die bewoner – uitstaande huurgeld of materiaal, redelike betaling vir skade aan die eiendom (byvoorbeeld: skoonmaak van matte, verlore sleutels of afstandbeheerders en herstel van die eiendom tot sy oorspronklike toestand aan die begin van die huur), redelike slytasie uitgesluit.

 

As dit tydens die uitgaande inspeksie vasgestel word dat daar geen skade is nie, moet die deposito binne sewe dae na verval van die huur terugbetaal word.

 

Indien skade tydens die uitgaande inspeksie bespeur word, moet die balans van die deposito binne 14 dae nadat die eiendom herstel is, terugbetaal word.

 

Indien die bewoner versuim om die uitgaande inspeksie by te woon, moet die balans van die deposito binne 21 dae na verval van die huur terugbetaal word.

 

Die bewoner is geregtig op alle kwitansies vir die koste van herstel van enige skade.

 

Die bewoner en eienaar kan nie ʼn kontrak buite hierdie verpligtinge aangaan nie. Byvoorbeeld, die eienaar (eiendomsagent) kan nie in die huurooreenkoms dit stel dat die deposito slegs na 30 dae terugbetaal sal word nie – dit is teenstrydig met die Wet op Huurakkommodasie.

 

Bron: Tenant Profile Network

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161