Wanneer moet ek bande omruil?

Maandag, Mei 23rd, 2016

Kontroleer jou banddruk maandeliks en voor ’n lang reis. Kontroleer terselfdertyd die diepte van die bandloopvlakgroewe en kyk of daar enige teken van skade aan die bandwand of ongelyke slytasie is. As jy twyfel, vra raad by n ’n opgeleide banddeskundige, wat vir jou sal kan sê of die band geskik is vir verdere gebruik.

Bande het nie ’n voorspelbare leeftyd nie. Dit maak nie saak wanneer die bande vervaardig is nie. Bande verouder al word hulle nie gebruik nie, of net af en toe gebruik. Daar is baie faktore wat die leeftyd van ’n band sal beïnvloed soos temperatuur, instandhouding, stoortoestande en gebruik, las, spoed, druk sowel as rystyl. Dit sal ’n groot invloed uitoefen op die dienslewe wat jy van jou bande kan verwag.

 

Hoe oud is te oud? Die vyfjaartoets

Na vyf jaar of langer diens behoort jou bande minstens een maal per jaar deeglik ondersoek te word. As dit nodig word, volg die voertuigvervaardiger se aanbevelings in verband met die vervanging van die oorspronklike bande.

Indien die bande 10 jaar na hul vervaardigingsdatum (kyk hoe om ’n bandwand te lees) nog nie vervang is nie, beveel Michelin aan dat hulle as ’n voorsorgmaatreël deur nuwe bande vervang word, selfs al lyk dit of hulle nog in ’n bruikbare toestand is en nog nie tot by die loopvlakslytasie-aanwyser afgeloop is nie.

Ten einde oneweredige slytasie te voorkom, laat jou wiele deur ’n bandspesialis spoor en balanseer. Dit sal ook jou loopvlakleeftyd verleng en jou ’n sagter rit gee. Nog ’n manier om jou bande eweredig te laat slyt, is om gereeld die wielposisies om te ruil.

Algemene oorsake van abnormale bandslytasie:

Slytasie op een skouer: Wansporing van wiele

Slytasie op albei skouers: Band nie styf genoeg nie

Slytasie in die middel van die band: Band te styf

 

Bron: Car Safety Portal

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170