Waaroor huisprysing eintlik gaan

Vrydag, Februarie 12th, 2016

Barry Davies

 

 

Voornemende kopers hou dalk van jou huis se ligging, die veiligheid van die gebied en selfs van hoe die eiendom lyk, maar as die prys nie reg is nie is dit regtig onwaarskynlik dat hulle selfs daarna sal gaan kyk, laat staan koop.

Kortom, om jou huis van die begin af reg te prys, is steeds die enkele belangrikste faktor wat sal bepaal of dit gou en teen die hoogs moontlike prys verkoop sal word.

Hier is nog iets wat jy moet weet: Wanneer jy jou huis in die mark sit, wek dit die meeste belangstelling onder potensiële kopers binne die eerste paar dae – veral onder dié wat deur hul gunstelingeiendomswebwerwe verwittig word van nuwe lystings wat met hul vereistes ooreenstem – en as jy hulle belangstelling op daardie stadium verloor omdat hulle meen jou vraprys is te hoog, verloor jy dit vir altyd, ongeag hoeveel keer jy jou prys daarna verlaag.

Jy kan daarvan seker wees dat hulle dit sal vergelyk met ander huise wat in jou area op die mark is en dat, indien hulle glo dat dit oorprys is in vergelyking met die ander, al wat jy gaan regkry is om ander mense te help om hulle huise te verkoop deur daardie eiendomme na beter waarde te laat lyk. Intussen sal jou eiendom vir ’n lang tyd in die mark lê en agteruitgaan terwyl jy aanhou om die prys te verlaag en dit op die ou end teen minder as sy waarde verkoop, indien jy dit hoegenaamd verkoop kry.

Goed, dis die slegte nuus. Die goeie nuus is dat dit nie hoef te gebeur nie indien jy ’n behoorlik opgeleide en gekwalifiseerde agent kry wat jou area ken om jou te help om jou huis te bemark. Die eerste ding wat die agent sal doen, is om ’n vergelykende markanalise (CMA) te doen wat sal toon waarvoor huise soos joune in die laaste weke verkoop is – d.w.s. die werklike verkooppryse wat behaal is en nie noodwendig die pryse wat jy in die advertensies gesien het nie, en hoe lank dit geneem het om te verkoop. En weereens, jy kan daarvan seker wees dat dié wat die gouste verkoop is nadat hulle gelys is die akkuraatste geprys was.

Die agent sal ook vir jou kan verduidelik waarom jy nie jou vraprys kan baseer op die versekeringswaarde van jou eiendom, die munisipale waardasie van jou eiendom of wat jy uit die verkoop wil uitkry om ’n ander eiendom te koop nie.

Die blote feit is dat nie een van hierdie waardes eers naasteby betrekking het op wat gekwalifiseerde kopers dalk bereid is om vir jou huis te betaal nie – en die enigste manier om dit te voorspel, is om uit te vind wat mense onlangs vir soortgelyke eiendomme in dieselfde area betaal het.

So, die vasstelling van die vraprys moet ’n strategie wees, nie ’n emosionele of terloopse onderneming nie en, gedagtig hieraan, kan jy ook die volgende oorweeg:

R900 000 is eintlik vir kopers ’n aanlokliker prys as R899 999 omdat dit sal maak dat hulle jou huis as ’n gehalteproduk sien eerder as ’n afslagitem.

  • Net so verkies verbruikers viere en sewes, soos in R894 000 of R897 000, of selfs R944 000 of R947 000, omdat sulke pryse meer “oorwoë” en akkuraat lyk – so asof jy regtig oor die waarde van jou eiendom nagedink het.
  • Verbruikers wil nie te veel hoef te dink om prysing te verstaan nie, en dus werk R1 miljoen baie beter as R1 00 000. Net so werk R900 000 veel beter as R900 000,00.

 

Bron: Chas Everitt

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161