Vermy hierdie 5 top huisverkoopfoute

Dinsdag, Julie 19th, 2016

Elaine Chetty

 

Wanneer jy jou huis verkoop, is dit maklik om in ʼn vakuum vas te val. Jy het ʼn sekere idee oor wat die mark vir jou huis behoort te betaal en wat ʼn kwessie mag wees of nie wees nie.

Dit is per slot van rekening jou juis, reg? Jou huis het x, y en z.  Die ligging is onverbeterlik.  Dis net om die hoek van wonderlike restaurante, die park, koffiewinkel, skool ensovoorts.  Kopers en agente wat deur jou huis stap, mag egter nie dieselfde prentjie sien nie.

Maniere om hierdie potensiële huisverkoperslaggate te vermy:

 

  1. Jy prys jou huis te hoog

As jy te veel vir jou huis vra, sal twee dinge nie gebeur nie: besigtigings of aanbiedings. Dit is die prys wat die toneel voorberei vir besigtigings. Dit is die nie-verbale boodskap wat aktiwiteit ontlok of ontmoedig.

As jou huis te duur geprys is, sal kopers wat dit kon bekostig in iets anders belangstel aangesien hulle prysvlak hoër is, terwyl diegene vir wie dit eintlik prysgewys bedoel is, gewoonlik uitgesluit word.

 

  1. Jy maak besigtigings moeilik

Beperkte besigtigingstye of om teenwoordig te wil wees vir alle besigtigings kan ʼn impak hê op die vermoë om verkeer deur jou huis te stuur. As daar ʼn magdom instruksies of beperkings is, sal agente en hul kopers eenvoudig aanbeweeg na daardie eiendomme met minder reëls.

 

  1. Jy maak nie ʼn teenaanbod nie

Alhoewel almal graag die meeste vir hulle huis wil kry, moet ʼn verkoper ook ʼn realistiese balans handhaaf.  Dit is te maklik om te fokus op die aanvangsprys in ʼn aanbod, terwyl die fokus op die eindresultaat behoort te wees. Die openingsaanbod is bloot dit: ʼn beginpunt.  Dit sit die gesprek aan die gang en het hopelik ʼn middeweg tot gevolg wat vir die koper en verkoper aanneemlik is.

Om nie ʼn teenaanbod te maak nie is soos om ʼn eenrigtinggesprek te voer. Dit sal nie werk nie. Hoe kan jy na “verkoop” toe beweeg as daar nie ʼn heen-en-weer dialoog is nie? Dit beteken nie die kopers is nie ernstig nie; hulle is bloot konserwatief met hulle eerste aanbod om ʼn gevoel te kry van hoe die onderhandelings gaan verloop. Dit beteken ook nie dit is die meeste wat hulle gewillig is om te betaal nie, tensy die aanbod so geposisioneer is. Nalating om ʼn teenaanbod te maak stuur ʼn ontmoedigende sein aan die koper wat ʼn ongemaklike situasie kan skep, waargeneem of eg. Kopers wil sake doen met verkopers wat gretig is om met hulle sake te doen.

 

  1. Jy ontken die toestand van die eiendom

Sou jy as koper die hoogste prys betaal vir ʼn huis waarvan die oorspronklike stelsels die einde van hul lewensduur bereik? In vandag se eiendomsklimaat ondersoek kopers, leners, waardeerders en inspekteurs meer deeglik as ooit tevore.

Dit is nie net die koper wat uitsluitsel sal gee oor die toestand van jou huis nie, maar ook die lener, waardeerder en die koper se inspeksiemaatskappy. Voordat jy verkoop, wees realisties oor die toestand van jou huis.

As jou huis werk vereis, tensy dit baie sterk onderkant die markwaarde afgeslaan is, wat realisties beteken dit is heeltemal te laag geprys in terme van wat jy sal aanneem, sal dit vir die koper ʼn kwessie wees, en indien nie, sal dit wel vir die eiendomsinspekteur wees.

 

  1. Jy het ʼn selektiewe geheue

Verkopers is dikwels bang dat as hulle te veel openbaar of te veel besonderhede verskaf, dit hulle vermoë sal affekteer om teen die beste prys te verkoop. Nalating om te openbaar kan jou egter blootstel aan aanspreeklikheid na die verkoping.

Om vrae nie te beantwoord nie of om nie duidelik te wees oor die ouderdom van sekere dinge nie skep net meer rooi vlae en kwellings vir potensiële kopers. As jy die vrae eerlik beantwoord en alle kwessies of reparasies volledig openbaar (met kwitansies wat dit dokumenteer en ʼn geskiedenis verskaf), sal dit kopers se vrese en twyfel besweer.

 

Bron: Acutts

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161