Staan ‘n bietjie stil

Maandag, Desember 8th, 2014

Geskryf deur: Carina Bester

 

Soms moet mens eers weer stil raak tussen die gezoem en gejaag van die lewe. Weer tot die besef kom van wat werklik belangrik is.

Nie geld en goed nie. Dit is die klein dingetjies in die lewe wat alles die moeite werd maak.

Ons neem so maklik alles wat ons is en het as vanselfsprekend aan. Ons kyk soms die wonder daarvan mis. Ons vergeet dat al hierdie dinge onverdiende genade is. Wat ek is, is net genade. Wat ek het is net geleen… – Koos du Plessis in sy Gebed.

Ons het so baie om voor dankbaar te wees. Tóg sien ons soms net die dinge raak wat ons nie het nie. Dinge wat ons dalk nooit kan kry nie.

Waardeer weer die wonder van liefde en lag en vreugde en gesondheid en krag en werk en gemoedsrus en alle ander wonderlike dinge in jou lewe. Sien dit weer raak.

Een woord bevry ons van die juk en die pyn van die lewe; daardie woord is liefde – Sophocles.

Ek het die mooiste stukkie raakgelees oor liefde wat deur ʼn anonieme persoon geskryf is:

Liefde is ʼn stille verstaan, ʼn wedersydse vertroue, ʼn deel met mekaar en vergifnis.
Dit is getrouheid deur goeie en slegte tye.
Dit is met minder as die perfekte tevrede en maak voorsiening vir menslike swakhede.
Dit is tevrede met die hede en het hoop vir die toekoms, maar dit broei nie oor die verlede nie.
Dit is ʼn daaglikse geskiedenis van irritasies, probleme, kompromieë, klein teleurstellings, groot oorwinnings en werk na gemeenskaplike doelstellings.
As jy liefde in jou lewe het, kan die liefde vergoed vir baie ander dinge waarin jy te kort skiet.
As jy die liefde nié het nie, kan jy alle ander dinge hê, maar dit sal nie genoeg wees nie.

love-kids-balloons

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170