Spaar water en geld met dié 6 wenke

Vrydag, Oktober 30th, 2015

Barry Davies

 

Die onlangse afsny van water en beperkings het dit by baie verbruikers tuisgebring hoe ʼn skaars – en duur – bron water in Suid-Afrika word, sê Berry Everitt, besturende direkteur van die Chas Everitt internasionale eiendomsgroep.

En die tekorte is veral opvallend in die somer, sê hy, dus moet huiseienaars nou alles in hulle vermoë doen om verbruik in te kort en hulle rekenings laag te hou.

Hier volg ses voorstelle van waterbesparingsdeskundiges wat daarop gemik is om jou te help om minder water te mors:

 

1. Gee vroeg en laat water

Stel besproeiingstelsels om jou grasperk en tuinbedding voor sonsopkoms en na sononder nat te spuit.

As die son nie vir jou water kan wedywer nie, sal meer water die grond penetreer as wat daar verdamp en jy sal minder gereeld hoef nat te gooi.

2. Moenie die oprit of patio natgooi nie

Gaan jou sproeiers gereeld na om te verseker dat hulle behoorlik werk en water sproei waar jy dit wil hê.

Sproeierkoppe wat op rigting ingestel is, sal verseker dat jy jou geld net op water bestee wat val op dinge wat groei.

3. Installeer reënsensors.

Hierdie sensors is beskikbaar by goeie hardewarewinkels en verskaffers van besproeiingstoerusting, en sal ʼn besproeiingstelsel se stellings oorheers sodat jy nie Moeder Natuur se werk verdubbel nie.

4. Spaar reënwater

Een van die beste maniere om waterverbruik buite te beperk, is om waterdromme of –tenks onder jou aflooppype te sit om reënwater van jou dak af op te vang. Jy kan die water gebruik om gieters of emmers vol te maak en plekke nat te gooi waar jou sproeierstelsel nie bykom nie.

As jy die tenks op platforms installeer, kan jy dalk genoeg druk vir ʼn tuinslang genereer.

5. Moenie druk-apparaat gebruik om mee te was nie

Gebruik ʼn hark, besem of blaarstofsuier om jou grasperk of oprit skoon te vee, en ʼn emmer en spons om jou kar te was.

6. Hou dop vir lekkasies

Herstel enige druppende krane dadelik en gaan gereeld na vir verborge lekkasies deur al jou krane binne en buite (insluitende die watertoevoer na die toilet) toe te draai en dan te kyk of jou watermeter nog draai. Indien wel, roep ʼn deskundige se hulp in om so gou as moontlik na die probleem om te sien, want self ʼn klein lekkasie kan jou honderde rande in ʼn jaar kos.

ʼn Druppende kraan mors ongeveer een liter water of meer per uur.

 

Bron: Chas Everitt

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161