Spaar vs. Belegging: Wat is die verskil?

Maandag, Julie 11th, 2016

Terwyl om elke sent te moet omdraai terwyl jy studeer feitlik as ʼn gegewe beskou word, behoort ʼn gebrek aan geld wanneer jy begin werk nie as normaal aanvaar te word nie.

As jy ʼn ordentlike werk het maar aan die einde van die maand jou sakke moet omdop vir kleingeld, doen jy iets verkeerd. Jy moet in ʼn posisie kom waar jy elke maand geld oor het. ʼn Gedeelte van daardie geld moet wees vir jou om te geniet en die res behoort na een of ander vorm van spaarrekening te gaan. Dit klink eenvoudig genoeg, maar om te spaar is veel meer as om geld eenkant te sit vir ʼn reënerige dag. Die kuns van spaar is veelvoudig en behoorlik gedoen, kan dit jou ryk maak.

Die eerste stap om jou spaarplan reg te kry is om te verstaan dat daar ʼn beduidende verskil is tussen spaar en belê, maar hulle is ewe belangrik in terme van die bou van ʼn finansiële plan. Om onsself van spaarders in beleggers te verander is essensieel vir ons langtermynsukses maar dit is ʼn oorgang wat baie van ons moeilik vind om te maak.

Om te spaar is ʼn veilige manier om geld bymekaar te maak. Belegging aan die ander kant gaan gepaard met die konsep van risiko. Oor die algemeen is spaar die proses waardeur geld in rentedraende rekenings met vaste of voorspelbare opbrengste geplaas word. Belegging is die spaar van geld in opsies soos uittredingsannuïteite, die aandelemark en effektetrusts. Hierdie produkte verdien nie rente nie maar groei in waarde as gevolg van die onderliggende bate. Die risiko is dus groter want jy maak staat op die feit dat die onderliggende bates van die belegging in waarde aanhou groei.

Die vrees om in die aandelemark of aandeelgebaseerde beleggings te belê laat mense soek na meer voorspelbare en konserwatiewe plekke om te spaar. Hulle soek na waarborge wat nie geld sal verloor nie en hulle vermy dit aktief om geld te plaas in areas waar die waarde daarvan sou kon fluktueer.

Terwyl omsigtigheid wanneer jy belê of spaar ʼn goeie ding is, kan om oorversigtig te wees beteken dat jou geld nie genoeg groei om die effekte van inflasie te dek nie. Die oplossing vir die bang belegger is om spaar en belegging op die langtermyn te beskou, en om beide hierdie middels te gebruik om jou rykdom te bou. Jy kan die beste van beide wêrelde hê as jy jou langtermyn en korttermyn finansiële doelwitte van mekaar skei. Korttermyndoelwitte soos nuwe meubels of ʼn vakansie kan voor gespaar word in tradisionele spaargebiede soos vaste deposito’s of die geldmark. Die langtermyndoelwitte, soos om voldoende geld vir ʼn gerieflike aftrede te hê, moet apart voorsiening voor gemaak word, in prestasie-georiënteerde beleggings gekoppel aan die aandelemark.

Vir die meeste mense beteken dit om gebruik te maak van professioneel bestuurde beleggings soos effektetrusts om hulle langtermyndoelwitte te behaal. Dit beteken dat jy nie ʼn deskundige hoef te word nie; baie bekwame beleggingsbestuurders doen die werk vir jou. Vir jou om suksesvol te belê moet jy verseker dat die doelwitte van die bestuurde belegging ooreenkom met jou persoonlike doelwitte en dat jy gemaklik is met die risikoprofiel en die premie wat die adviseur aanbeveel. Jy moet ook leer om fluktuasies in die waarde van jy langtermynbelegging te aanvaar. Dit is bewys dat op die langtermyn die neiging van die meeste aandeelgebaseerde beleggings opwaarts is en hulle lewer steekhoudend prestasies wat inflasie klop.

 

As jy dit moeilik vind om vir kort- of langtermyndoelwitte te spaar, kyk deeglik na hoe jy bestee en jou skuldblootstelling. Een van die grootste redes waarom mense nie genoeg spaar of ʼn veiligheidsnet in hulle begrotings het nie, is dat hulle hopeloos te veel skuld het in verhouding tot hulle inkomste. Nog ʼn faktor wat spaar fnuik, is oneffektiewe geldbestuur. As jy herhaaldelik elke maand elke sent wat jy het, uitgee met geen plan in plek nie, sal jy nooit vooruitkom nie. Neem die tyd om jou finansiële lewe te beplan – as jy ʼn begroting opstel, beplan om skuld te elimineer, die duur drankies opgee en ʼn spaarplan begin, sal jy meer in beheer van jou lewe voel. Om finansieel op dreef te wees gee jou vryheid van keuse. In plaas daarvan om te wik en weeg of jy ʼn vakansie kan bekostig, sal jy kan kies tussen die bosveld en die see. Dit is ʼn baie aangenamer dilemma om op te los.

 

Bron: Hollard

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161