Saamgestelde rente: Wat werk en wat werk nie?

Maandag, Oktober 10th, 2016

Met behulp van ʼn begroting en meer gedissiplineerde besteding, het jy elke maand ʼn paar ekstra rand om te spaar. So, watter soort rentedraende rekening het jy toe vir jou spaargeld gekies en verdien jou spaargeld saamgestelde rente?

Moenie die fout maak om jou spaargeld in ʼn transaksiespaarrekening te sit nie. Jou geld sal geen rente verdien nie en sal in werklikheid elke maand minder word as gevolg van maandelikse gelde en transaksies op die rekening. Jy moet jou geld sit in ʼn rentedraende rekening wat saamgestelde rente verdien. Terwyl jy hard werk vir jou geld, sal jou geld op dié wyse hard werk vir jou.

 

Wat is saamgestelde rente?

Saamgestelde rente is rente wat rente op rente op rente verdien. Byvoorbeeld: R1 200,00 teen jaarlikse rente van 10% sal aan die einde van jaar een R1 320,00 beloop. Met saamgestelde rente op die R1 320,00 sal die bedrag in jaar twee R1 452,00 wees. Hoe langer jy die geld los waar dit is, hoe vinniger groei die bedrag as gevolg van saamgestelde rente op ʼn groter en groter bedrag.

Saamgestelde rente is lelik as dit op jou skuld toegepas word (gewoonlik maandeliks), maar wanneer jy dit gebruik om jou persoonlike rykdom te laat groei, is dit soos gratis lekkers.

Om die meeste uit saamgestelde rente te haal, moet jy elke maand geld in jou spaarrekening deponeer. Byvoorbeeld: as jy net R100 rand per jaar sit in ʼn rekening wat saamgestelde groei van 10% lewer, sal dit na 10 jaar R1 593,74 beloop. As jy vir dieselfde tydperk (10 jaar) elke maand R100 belê, sal hierdie geld deur saamgestelde groei R20 484,50 beloop.

 

Bron: FNB

 

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170