Rentekoersverhoging: Hoe raak dit jou huisverband in rand en sent?

Vrydag, Julie 24th, 2015

Eugene Brink

 

Die Suid-Afrikaanse Reserwebank se besluit op 23 Julie 2015 om sy repokoers met 0,25 basispunte tot 6% te verhoog, is goeie nuus vir spaarders en beleggers, maar slegte nuus vir diegene met huisverbande en voertuigpaaiemente.

 

Die prima uitleenkoers van banke is nou 9,5%, wat op 24 Julie in werking tree. Uitleenkoerse is sedert die begin van 2014 met 100 basispunte opgestoot om inflasie in toom te hou.

 

Volgens Jacques du Toit, eiendomsekonoom by Absa, kom die jongste rentekoersverhoging teen die agtergrond van onder meer die wisselkoers, voedselinflasie, brandstof- en elektrisiteitspryse sowel as die vooruitsig van moontlike rentekoersverhogings in die VSA later vanjaar.

 

Op ’n huisverband van R500 000 sal eienaars nou R81 per maand meer moet opdok, R146 meer op ’n huisverband van R900 000, en R244 op ’n verband van R1,5 miljoen. Kumulatief gesproke betaal jy sedert Januarie 2014 al R322 meer op ’n woning met ʼn verband van R500 000, R579 op ’n woning met ʼn verband van R900 000 en R965 op ’n verband van R1,5 miljoen.

 

Dit beteken eienaars van eiendom sal ná hierdie rentekoersverhoging R81 per maand meer moet opdok vir elke R500 000 wat hul verband beloop.

 

Du Toit verwag verdere rentekoersverhogings teen die einde van die jaar en in 2016 weens toenemende inflasionêre druk. “Hoër rentekoerse gaan skuldterugbetalings tot hoër vlakke opstoot. Dit sal uiteraard ’n impak hê op besighede se finansies, verbruikers- en sakevertroue, die vraag vir en bekostigbaarheid van krediet, asook verbruikersbesteding en vaste beleggings.”

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150