Raad en wenke vir die “toebroodjie-generasie”

Donderdag, Julie 23rd, 2015

Is jy, soos ʼn kwart van die land se bevolking, deel van die toebroodjie-generasie? Moet jy dus beide jou kinders en ouers finansieel onderhou? Solidariteit bied vandeesweek, as deel van Spaarmaand, raad en wenke vir gesinne wat deel is van die toebroodjie-generasie.

  1. Hoe kry ʼn mens dit reg om steeds te spaar indien jy vir beide jou ouers en kinders moet sorg? Om beide jou kinders en ouers finansieel te onderhou, is sonder twyfel ʼn enorme finansiële las wat groot spanning onder gesinslede kan veroorsaak. Dit is raadsaam om ʼn gesinsvergadering te reël waar almal genooi word om voorstelle te maak oor hoe die gesin uitgawes kan besnoei. Kan die gesin dalk sonder satelliettelevisie klaarkom? Kan die gesin se inkomste op ʼn manier aangevul word?
  1. Hoe kan jy as tiener help om die finansiële las op jou ouers, wat ook vir jou grootouers sorg, te verlig? Ingevolge artikel 43 van die Wet op Basiese Diensvoorwaardes mag kinders van 15 en ouer in diens geneem word – mits die werk nie gevaarlik of onvanpas is nie. Oorweeg die moontlikheid dat jou tiener iewers deeltydse werk doen wat nie met sy of haar skoolwerk inmeng nie. Idees: Au pair, studieleier, kelner, hond- of kinderoppasser.
  1. Hoe kan jy as ouer verhoed dat jy eendag finansieel van jou kinders afhanklik is? As ouer is dit waarskynlik nie vir jou ideaal om in jou kinders se oë te moet kyk vir finansiële ondersteuning nie. Daarom is dit noodsaaklik dat ʼn mens so vroeg as moontlik vir jou aftrede moet begin voorsiening maak. Dit is verder raadsaam om, indien jy fisies en verstandelik daartoe in staat is, ná die algemene aftreeouderdom van 65 jaar aan te hou werk om sodoende jou spaargeld aan te vul.

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170