Moontlike slaggate van belastingvry spaarrekeninge

Donderdag, Mei 19th, 2016

Hoewel belastingvry spaarrekeninge beleggers ’n nuwe manier van spaar bied met baie voordele, soos buigsaamheid, bo en behalwe dat jy nie belasting op die opbrengs van jou belegging betaal nie, is daar ’n paar goed wat oorweeg moet word. Karin Muller, hoof van groeimark-oplossings by Sanlam, raai aan dat daar na die volgende potensiële slaggate gekyk moet word voordat ’n belegging in belastingvry spaarrekening oorweeg word:

 

Beleggings vir kort tydperke

Om voordeel uit die belastingverligting op beleggingsopbrengste in ’n belastingvry spaarrekening te trek, het jou belegging genoeg tyd nodig om beleggingsopbrengste te verdien. “As jy vir ’n kort tydperk belê, sal jy nie die belastingvoordeel kry nie jy sal van jou toegewese leeftydbydrae opgebruik.”

 

As meer as die jaarlikse bydraelimiet belê word

Geen ongebruikte deel van die jaarlikse bydraelimiet van R30 000 per belastingjaar mag oorgedra word nie. Dis ’n geval van gebruik dit of jy verloor dit. Eweneens, as die totale betalings die jaarlikse perk oorskry, sal jy ’n belastingboete van 40% op die oortollige bydraes betaal. ’n Soortgelyke boete is van toepassing op betalings wat die leeftydlimiet van R500 000 oorskry. “Beleggers moet dus wakker loop – as jy baie belastingvry rekeninge het en nie tred hou met jou jaarlikse en leeftydperke nie, sal jy soos vir ’n normale belegging aangeslaan word.”

 

Belegging in ontoepaslike fondse

Soos met enige ander spaarmedium, moet jy seker maak dat jou beleggingsportefeulje gepas is vir jou belegginshorison en optimale opbrengste teen ’n aanvaarbare risikovlak sal lewer.

Om te verseker dat jy voordeel trek uit ’n belastingvry spaarrekening op die wyse wat Nasionale Tesourie dit beoog, raai Muller aan dat jy eers met ’n professionele finansiële adviseur praat. “Dit sal verseker dat jou beleggingsbesluite in lyn is met jou persoonlike vereistes en deel vorm van ’n weloorwoë finansiële plan,” sluit sy af.

 

Bron: Sanlam

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161