Pasop vir hierdie e-pos-slenter

Woensdag, November 4th, 2015

’n DStv-e-pos doen tans die rondte waarin potensiële slagoffers gevra word om hul e-pos-adresse te verifieer deur op ’n skakel te klik.

Die e-pos, wat hier onder verskyn, kom oënskynlik van ’n @multichoice.com-adres en beweer dat dit van die DStv Connect Team afkomstig is.

Die e-pos lui, in Engels, “Dear Customer. We noticed you have not yet verified your email address”, waarna die ontvanger aangesê word om op ’n skakel te klik om die adres te verifieer om te voorkom dat hy afgesny word.

Die skakel lei na ’n Dropbox-vorm wat vra vir ’n e-pos-adres en ’n wagwoord.

MultiChoice het bevestig dat die e-pos vervals is.

“Ons sal nooit ons kliënte vra om op ’n skakel te klik om hul e-pos-adres te bevestig om te voorkom dat hul DStv-diens afgesny word indien hul e-pos-adres nie geverifieer word nie,” sê Multichoice.

 

Bron: Mybroadband

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150