Pasop vir hierdie DStv-epos-slenter

Woensdag, Januarie 11th, 2017

ʼn DStv-uitvis-e-pos doen nou die rondte en vra potensiële slagoffers om hul e-posadres te verifieer deur op ʼn skakel te klik.

Die e-pos, wat hier onder verskyn, kom oënskynlik van ʼn @multichoice.com-adres en verklaar dat dit deur die DStv Connect-span gestuur is.

Die e-pos lui “Dear Customer. We noticed you have not yet verified your email address,” voordat dit die ontvanger aansê om op ʼn skakel te klik om die adres te verifieer en te voorkom dat hy afgesny word.

Die skakel lei na ʼn Dropbox-vorm wat vir ʼn e-pos-adres en ʼn wagwoord vra.

MultiChoice het bevestig dat die e-pos vals is.

“Ons sal nooit ons kliënte vra om op ʼn skakel te klik om hul e-pos-adres te verifieer en dan hul DStv-diens afsny as hul e-pos-adres nie geverifieer word nie,” het MultiChoice verklaar.

 

Bron: Mybroadband

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150