Ou R200-note word uit sirkulasie gehaal

Maandag, Desember 8th, 2014

Geskryf deur: Paul Joubert

 

Kliek op die foto om dit te vergroot

Kliek op die foto om dit te vergroot

Daar word vir ʼn geruime tyd reeds berig oor vervalste R200-note wat in sirkulasie is. Volgens die Suid-Afrikaanse Reserwebank (SARB) is hierdie vervalste R200-note almal van die ou reeks wat nie die gevorderde sekuriteitskenmerke van die nuwe note, wat in 2005 bekendgestel is, het nie.

Wat egter nog nie wyd oor berig is nie, is dat die SARB verlede week besluit het om ou R200-note uit sirkulasie te haal. Almal moet enige ou R200-note wat in hul besit is by gewone handelsbanktakke gaan omruil vir nuwe note. Die afsnydatum vir dié omruil van note by handelsbanke is die laaste dag van volgende maand (31 Mei 2010). Ná hierdie datum sal die ou R200-note slegs fisies by een van die SARB se takke (slegs in die groot stede) omgeruil kan word vir nuwe geld – handelsbanke (en waarskynlik winkels ook) sal dit nie meer aanvaar as wettige betaalmiddel nie. Let daarop dat die reëling slegs betrekking het op R200-note – geen ander sigwaardes nie.

Indien ʼn kitsbank dus binne die volgende paar weke ʼn ou R200-noot uitspoeg, neem dit voor 31 Mei na ʼn banktak en ruil dit vir ʼn nuwe noot. Indien jy dalk met ʼn trommel vol R200-note sit (ʼn benydenswaardige stand van sake!), neem die ou note na ʼn handelsbanktak en ruil hulle om. (Beskou die bygaande foto’s om die verskille tussen die note te sien – die ou noot is aan die bokant.) Dit sal ietwat ongerieflik wees om al die pad na ʼn SARB-tak te moet gaan om jou geld te gaan omruil indien jy eers in Junie besef dat jy nog ʼn paar ou R200-note in jou beursie het!

Persoonlik sou ek nie verbaas wees indien dieselfde proses later met die ander ou note met laer sigwaardes gevolg word nie. Indien die vervalsers nie meer R200-note kan vervals nie, sal hulle tog maar hul winsgrens halveer en R100-note begin druk. Wees dus maar bedag op note wat nie heeltemal soos die ware Jakob lyk nie! Jy het die reg om aan te dring op ander note indien jy vermoed dat die kleingeld wat jy gekry het dalk vervals kan wees.

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170