Onthou van die gassertifikaat wanneer jy jou huis verkoop

Dinsdag, Oktober 25th, 2016

Vraag: “Ek verkoop tans my huis. Ek het ‘n permanente gas-oond in die huis en die oordragprokureur sê ek moet ‘n gas-nakomingsertifikaat vir dié gastoestel kry. Is dit noodsaaklik en behoort die koper nie hiervoor verantwoordelik te wees nie?”

 

Antwoord: ‘n Sertifikaat van Nakoming (SVN), ook bekend as ‘n gas-voeldoeningsertifikaat, word regtens vereis vir alle permanent vloeibare gas-installasies in jou huis, en moet bekom word van ‘n gemagtigde persoon of ‘n goedgekeurde inspeksie-owerheid, wat dit veilig verklaar volgens die toepaslike standaarde. Voorbeelde van gas-installasies wat hierdie sertifikaat vereis, sluit in gas-branders, sowel as gas-waterverhitters, ens.

Daar is geen vasgestelde tydperk vir die geldigheid van ‘n SVN nie, maar volgens die 2009 Regulasies met betrekking tot Hoë Druk Toestelle, sal ‘n gemagtigde persoon ‘n SVN uitreik ná ‘n gas-installasie, -aanpassing of verandering aan die installasie, asook waar die gebruiker of eienaarskap verander het. ‘n Huiseienaar het dus ‘n plig om ‘n SVN te bekom wanneer die gastoestel geïnstalleer, verander of aangepas is, én wanneer die eiendom verkoop is.

Daarvolgens, wanneer die eiendom ook al verkoop word moet ‘n nuwe sertifikaat bekom word, ongeag die ouderdom van die bestaande een.

Dit is die verkoper se verantwoordelikheid om hierdie sertifikaat te bekom, tensy die partye kontraktueel ooreengekom het dat die koper die sertifikaat sal bekom. Weet egter dat jy nie kan afsien van hierdie vereiste of kontrak om dit te bekom nie, aangesien nie-nakoming ‘n kriminele oortreding is.  In jou geval is die SVN dus ‘n vereiste, en afhangend van jou koopkontrak, is jy as die verkoper waarskynlik daarvoor verantwoordelik om dit te bekom.

 

Bron: BDP Prokureurs

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161