Nuttige inligting aangaande kontrakte

Dinsdag, Februarie 2nd, 2016

Sanette de Jager

 

 

Kontrakte kom voor in verskeie vorme. Dit kan skriftelik of mondelings aangegaan word en kan selfs in die partye se geheue wees. ʼn Kontrak hoef nie skriftelik of onderteken te wees om geldig te wees nie, behalwe in die geval van vaste eiendom, waar die kontrak skriftelik moet wees. ’n Kontrak kom tot stand wanneer een party ’n aanbod maak en die ander party die aanbod aanvaar.

Om ’n kontrak aan te gaan moet ’n persoon beskik oor regsbevoegdheid, maar daar is sekere uitsonderings. Minderjariges onder sewe jaar oud kan nie ’n bindende kontrak aangaan nie. ’n Minderjarige ouer as sewe jaar kan ’n kontrak aangaan indien hul ouer of wettige voog hul bystaan of toestemming verleen daartoe en die minderjarige later, wanneer hy of sy 18 word, tot die kontrak toestem.

Die meeste skriftelike kontrakte bepaal dat veranderinge aan die kontrak ook op skrif en onderteken moet wees, anders is die veranderinge nie bindend nie.

Die meeste kontrakte beskik ook oor ’n ‘Voetstoots’-klousule. Voetstoots beteken jy koop die goedere soos dit voorkom.  Die koper koop dus die goedere tesame met gebreke wat in die goedere bestaan het toe die partye die kontrak aangegaan het en wat nie “sigbaar” was tydens ’n “redelike” inspeksie nie. Hierdie klousule is egter onder die Nasionale Kredietwet nie geldig in ’n kredietooreenkoms nie. Die verkoper het egter die verpligting om al die gebreke aan die item waarvan hy kennis dra te openbaar.

Elke party is in die algemeen onderworpe aan dit wat hy/sy onderteken. Die partye moet dus seker maak dat hul die kontrak behoorlik deurlees en hulp verkry indien daar iets is wat onduidelik voorkom.

Die koop van enige goedere in ’n winkel is ook ’n kontrak wat aangegaan word. Wanneer die item aan die kassier getoon word, verteenwoordig dit ’n aanbod, nie ’n aanvaarding nie.  Die prysetiket wat die winkeleienaar vertoon, is ’n uitnodiging tot ’n aanbod, nie ’n aanbod nie, wat ’n party kan aanvaar. Die winkeleienaar is daarop geregtig om vir die klant te sê die prysetiket is verkeerd en die paar skoene kos eintlik R3 000, nie R300 nie, soos die etiket verkeerdelik aangedui het.

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161