’n Paar oneerlike geldgewoontes

Woensdag, Oktober 5th, 2016

As dit by geld kom, moet jy goeie finansiële gewoontes aanleer en die slegtes laat vaar. Met verloop van tyd laat slegte geldgewoontes jou beland in ʼn spiraal van rentedraende skuld wat die meeste van jou nabelastinginkomste verorber en jou snags laat wakker lê. Sommige geldgewoontes is egter bedrieglik en kan baie erger gevolge as net slegte skuld hê.

 

  1. Inkopies met iemand anders se kredietkaart

Selfs al het jou gade of ouer jou toestemming gegee om sy of haar kredietkaart te gebruik, pleeg jy kredietkaartbedrog as jy hulle privaat pinkode insleutel of hul naam teken. Dit lyk dalk onbenullig, veral as die kredietkaarthouer toestemming gegee het, maar deur dit toe te laat, oortree die kredietkaarthouer die bepalings van die ooreenkoms. Beskerm jouself en die kredietkaarthouer en moenie die kaart gebruik om goed te koop nie.

 

  1. Lieg op aansoeke om krediet

As jy nie 100% eerlik is oor jou uitgawes en inkomste wanneer jy ʼn aansoek om krediet invul nie ─ bv. vir kredietkaarte, klererekenings, lenings ─ pleeg jy bedrog. Nie alleen is dit onwettig nie, maar om toegang te hê tot krediet wat jy nie kan bekostig nie is ook een van die maklikste maniere om ingesluk te raak. Beskerm jou en wees pynlik eerlik op leningaansoeke.

 

  1. Om nie 100% van jou inkomste aan SARS te verklaar nie

Dit is algemene kennis dat dit belastingbedrog is om oneerlik oor jou inkomste te wees. En tog, volgens Business Day Live is 256 individue en/of entiteite in die 2014/2015- finansiële jaar alleen suksesvol vir bedrog vervolg. Belastingbedrog is strafbaar met onmoontlike boetes, gevangenisstraf, korrektiewe toesig of gemeenskapsdiens. Wees veilig en verklaar alles!

As ʼn gedeelte van jou inkomste nie outomaties vir belasting afgetrek word nie, sal jy die gewoonte moet aanleer om elke maand geld daarvoor te spaar. As jy dit nie doen nie, kan die bedrag wat jy aan die einde van die finansiële jaar moet inbetaal, maak dat jy sinnelose skuld aangaan.

Pas jou en jou finansies op en leer eerlike geldgewoontes aan.

 

Bron: Debt Rescue

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161