ʼn Gids om tweede keer huis te koop

Donderdag, Februarie 18th, 2016

Daar is ʼn rykdom van inligting beskikbaar vir eerste-huiskopers. Per slot van rekening staan hulle voor die grootste finansiële verbintenis van hulle lewens en is hulle waarskynlik nie goed vertroud met die proses nie. Maar wat van tweede-huiskopers? Hulle benodig ook inligting.

 

Wat om te doen met die wins uit die verkoop van die eerste huis

Die grootste verskil vir tweede-huiskopers is natuurlik dat hulle reeds ʼn eiendom besit. Dit kan voordelig wees weens die toename in die eiendom se waarde, en daardie wins kan dien as deposito op die nuwe huis. Daar is egter ʼn paar voorbehoude.

“Indien die opbrengs vir die deposito voortspruit uit die verkoop van die bestaande eiendom, is dit nie altyd moontlik om die deposito te betaal alvorens daardie fondse beskikbaar is nie,” sê Allison Dunbar, oobalite klubkonsultant. Dit is algemene praktyk om ʼn waarborg te verskaf vir die fondse waarvoor gewag word.

Sy verduidelik dat dit altyd raadsaam is om die opbrengs van die verkoop as deposito op die tweede eiendom te gebruik, aangesien dit ʼn beter rentekoers en gunstiger bankgradering sal verseker weens die verminderde risiko.

“Aan die ander kant mag sommige kliënte verkies om skuld af te betaal om bekostigbaarheid van die nuwe verband te verseker, en sou kon aangeraai word om sommige van die opbrengs uit die verkoop te gebruik om bestaande skuld af te betaal,” sê sy.

 

Kry voorafkwalifikasie

Alhoewel jy mag dink dat goedkeuring van ʼn verband die tweede keer vanselfsprekend is omdat jou finansiële situasie verbeter het, moenie so seker wees nie. “Leningskriteria het verander en jy mag ander vorms van skuld aangegaan het, wat jy bekostigbaarheid kan affekteer,” sê Dunbar.

Tweede-huiskopers behoort pre-kwalifikasie van ʼn verbandverskaffer te kry sodat hulle hulle huissoektog met vertroue kan aanpak, wetende wat hulle kan bekostig en dat hulle nie iewers vir skuld gelys is nie.

 

Dinge het verander by banke

As jy jou eerste huis vyf of tien jaar gelede gekoop het, sal jy vind dat banke die toutjies baie stywer getrek het op die vermindering in rentekoerse wat hulle gewillig is om vir huisleningsaansoekers aan te bied. “Dit is heel waarskynlik dat wanneer jy om ʼn nuwe verband aansoek doen, jy nie so ʼn gunstige rentekoers sal kry as wat jy op die vorige verband gekry het nie,” sê Dunbar.

Dit is ook moeiliker vir applikante wat vir hulleself werk omdat banke baie versigtiger is met hulle leenkriteria sedert die Nasionale Kredietwet in werking getree het. “As jy vir jouself werk, sal jy die volhoubaarheid van jou nuwe maandelikse verpligting moet bewys en voldoende bewys van inkomste voorsien – nog ʼn goeie rede om voorafkwalifikasie te bekom,” sê sy.

 

Voorwaardelike verkoop van jou huidige woning

Baie tweede-keerkopers sal ʼn aanbod op die nuwe woning maak op voorwaarde dat hulle bestaande woning verkoop word. Dit is nodig want dit verhoed dat die kopers opeindig met ʼn verband wat op twee huise betaal moet word – wat hulle finansieel lam kan lê. Dit kan egter ook hulle aanbod op die nuwe eiendom minder aanloklik maak. In die meeste gevalle sal die verkoper voortgaan om die woning te bemark.

“As hy voortgaan om die eiendom te bemark, mag hy ʼn onvoorwaardelike aanbod ontvang wat hom die oorspronklike voornemende koper in kennis laat stel om die voorwaarde op die verkoop van die bestaande eiendom te laat vaar,” sê Dunbar. “Die koper mag vir ʼn verbandlening aansoek doen om die volle koopprys te verseker, wat hom in staat stel om met die koop voort te gaan sonder dat sy bestaande eiendom verkoop moet word – indien hy kwalifiseer en dit kan bekostig.”

Sy adviseer dat terwyl gewag word op die verkoop van die bestaande eiendom, die voornemende koper steeds vir verbandfinansiering op die nuwe eiendom aansoek behoort te doen, sodat wanneer die ou eiendom verkoop word, die nuwe koop sonder versuim voltrek kan word.

 

Kyk ʼn bietjie rond vir jou nuwe huislening

Selfs al het jy ʼn goeie terugbetalingsrekord by jou bestaande bank is dit ʼn goeie idee om rond te kyk vir die beste transaksie op jou nuwe huislening. Soms sal een bank ʼn lening goedkeur wat minder is as die verband waarvoor jy aansoek doen. En dis altyd die moeite werd om die rentekoerse te vergelyk wat aangebied word, aangesien ʼn verskil van selfs ʼn halwe persent op die langtermyn ʼn reuse-impak op jy terugbetalings kan hê.

Verbande kan nie van een eiendom na ʼn ander oorgeplaas word nie, so elke huisleningaansoek word in isolasie oorweeg.

 

Bron: OOBA

Ander Artikels

Skop vas en moenie onnodig koop nie
Anja van den Berg   Alles rakende jou supermark is bedoel om jou geld te laat bestee wat jy nie beplan het om te bestee nie, en selfs geld wat jy nie regtig hoef te bestee nie. Hoewel die meeste mense aan produkte dink in terme van die funksionele eienskappe daarvan – die instrumentele waarde […]
Agterbakse supermarktaktieke om jou onnodige goed te laat koop
Anja van den Berg   Het jy al ooit aanvaar dat iets ʼn winskoop is net omdat die prys in rooi geskryf is? Of besluit om daardie duur handsak of aktetas te koop omdat jy daarvan oortuig was dat jy dit verdien? Of ʼn hand vol ongesonde snoepgoed van die impulsrak gegryp terwyl jy toustaan […]
OTM-kaartruilslenters neem toe: Let op hiervoor!
Die Suid-Afrikaanse Bankrisiko-inligtingsentrum (Sabric) waarsku die publiek om op die uitkyk te wees te midde van die hoë voorkoms van OTM-kaartbedrog in die land. Die groep het gewaarsku dat daar weer ʼn “kaartruil”-skelmstreek in Suid-Afrika voorkom en ʼn uiteensetting van die betrokke skelms se modus operandi gegee om die publiek teen hul metodes te waarsku. […]
1 2 3 152