Mag die regspersoon boetes oplê of wiele klamp?

Dinsdag, September 27th, 2016

Daar is verskillende menings oor die wettigheid van boetes vir eienaars of inwoners vir die verbreking van die reëls.

Ons het ondersoek ingestel en gevind dat nóg die Wet op Deeltitels nóg die voorgeskrewe reëls voorsiening maak vir die oplegging van boetes of straf op oortreders van ʼn skema se reëls.

Die mening van ʼn aantal bekende prokureurs wat in deeltitels spesialiseer is dat ʼn regspersoon egter wetlik afdwingbare boetes kan oplê mits die regspersoon ʼn versigtig opgestelde reël wat vir die beboeting van eienaars en inwoners voorsiening maak, behoorlik aangeneem het.

Vir ʼn reël om afdwingbaar te wees, moet die reël: 1)  redelik wees; en 2)   die beginsels van natuurlike geregtigheid in ag neem, veral die beginsel van “laat alle partye gehoor word”, wat vereis dat ʼn vergadering byeengeroep moet word om aan die skynbare oortreder ʼn geleentheid te gee om sy saak te stel voordat hy skuldig bevind word en ʼn boete opgelê word.

Indien die trustees na die vergadering die person skuldig bevind aan die verbreking van die reëls kan hulle ’n redelike boete oplê.

Dit is belangrik om daarop te let dat as ʼn boetereël afdwingbaar moet wees, dit versigtig opgestel moet word, dat die vereiste besluit (spesiale besluit vir ʼn gedragsreël, eenparige besluit vir ʼn bestuursreël) deur die regspersoon aangeneem moet word, en dit moet by die Aktekantoor geliasseer word.

So, indien julle regspersoon boetes wil kan oplê, beveel ons aan dat julle ʼn prokureur kry wat in deeltitels spesialiseer om die boetereël vir julle op te stel en seker te maak dat dit behoorlik by die Aktekantoor geliasseer is.

Vir sover dit die klamp van wiele betref, moet dit ook duidelik in die reëls van die skema gestel word; daar moet oral op die gemeenskaplike eiendom kennisgewings wees wat sê dat dit is wat gaan gebeur as ʼn voertuig onwettig geparkeer word en daar moet ʼn stelsel vir onmiddellike resolusie wees, met ander woorde as een van die eienaars of inwoners sy of haar voertuig dringend moet gebruik (byvoorbeeld om ʼn swanger vrou hospitaal toe te neem), moet iemand te alle tye beskikbaar wees om die voertuig onmiddellik te ontklamp.

 

Bron: Trafalgar

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161