Koop jy huis? Vra die regte vrae

Woensdag, Julie 22nd, 2015

Of jy nou jou droomhuis koop of ‘n spoggerige nuwe stel wiele, dit is noodsaaklik om vooraf jou huiswerk te doen en te weet watter vrae om te vra ten einde latere verrassings te voorkom. Verband-origineerder Ooba gee ‘n paar wenke:

 

Werk uit hoeveel jy kan bekostig

Bekostigbaarheid is altyd ‘n kwessie en dit is baie belangrik om dit van die begin af in gedagte te hou. Benewens die deposito waaraan jy moet dink, moet jy ook die maandelikse verbandterugbetalings in gedagte hou en of jy sal kan bekostig om jou eiendom in ‘n goeie toestand te hou.

‘n Goeie beginpunt is om voorafkwalifisering te kry; dit sal jou ‘n idee gee van wat jy kan bekostig. Voordat jy finaal teken vir die eiendom, doen ‘n vinnige ondersoek om seker te maak dat, indien jy opknappingswerk moet doen, dit minstens by die koopprys in berekening gebring is.

 

Maak seker dat die ligging by jou leefstyl pas

Die ligging is deurslaggewend om seker te maak dat die huis by jou leefstyl pas. Die volgende faktore is belangrik as jy besluit oor die gebied waarin jy koop: hoe ver is dit van jou werk af, is die eiendom geleë in ‘n ontwikkelende gebied waar die herverkoopwaarde vinnig styg en, laastens, is dit ‘n veilige omgewing?

 

Gaan die geskiedenis van die eiendom en gebied na

Doen ‘n bietjie navorsing oor die eiendom en gebied; vind uit hoe lank die eiendom reeds in die mark is en hoe lank die huidige eienaars al daar woon. Indien moontlik, net om seker te maak dat daar niks verkeerd is met die eiendom nie, praat direk met die eienaars om uit te vind hoekom hulle trek. Praat ook met die bure om ‘n idee te kry van hoe hulle die gebied ervaar. Al hierdie inligting behoort die vraag te beantwoord van of die eiendom ‘n goeie belegging is.

 

Kry die nodige sertifikate

Maak seker dat al jou voldoeningsertifikate deur ‘n gemagtigde onafhanklike kontrakteur uitgereik is; dit sluit in die sertifikate vir die elektrisiteit, loodgieterswerk, gas (indien daar gas op die eiendom is) en ekstras soos die elektriese heining. Die laaste ding wat jy wil hê as jy eers ingetrek het, is ‘n onaangename verrassing in verband met voldoeningskwessies.

Ander Artikels

Skop vas en moenie onnodig koop nie
Anja van den Berg   Alles rakende jou supermark is bedoel om jou geld te laat bestee wat jy nie beplan het om te bestee nie, en selfs geld wat jy nie regtig hoef te bestee nie. Hoewel die meeste mense aan produkte dink in terme van die funksionele eienskappe daarvan – die instrumentele waarde […]
Agterbakse supermarktaktieke om jou onnodige goed te laat koop
Anja van den Berg   Het jy al ooit aanvaar dat iets ʼn winskoop is net omdat die prys in rooi geskryf is? Of besluit om daardie duur handsak of aktetas te koop omdat jy daarvan oortuig was dat jy dit verdien? Of ʼn hand vol ongesonde snoepgoed van die impulsrak gegryp terwyl jy toustaan […]
OTM-kaartruilslenters neem toe: Let op hiervoor!
Die Suid-Afrikaanse Bankrisiko-inligtingsentrum (Sabric) waarsku die publiek om op die uitkyk te wees te midde van die hoë voorkoms van OTM-kaartbedrog in die land. Die groep het gewaarsku dat daar weer ʼn “kaartruil”-skelmstreek in Suid-Afrika voorkom en ʼn uiteensetting van die betrokke skelms se modus operandi gegee om die publiek teen hul metodes te waarsku. […]
1 2 3 152