Huuropbrengste groei soos 1ste-keer-koop afneem

Vrydag, September 30th, 2016

Eugene Brink

 

Huuropbrengste groei weer ─ al is dit marginaal ─ na gelang ʼn onsekere ekonomiese omgewing en rentekoersstygings eerstekeerkopers dwing om vir langer te huur en hul koopplanne uit te stel.

En daar word verwag dat renteopbrengste in die toekoms sal aanhou styg na gelang die ekonomiese grondbeginsels kopery verder onderdruk.

John Loos, eiendomstrateeg by FNB, sê in die 2de kwartaal van 2016 het die TPN-FNB nasionale gemiddelde bruto residensiële opbrengs vir die eerste keer sedert die eerste kwartaal van 2014 effens gestyg. Die nasionale gemiddelde opbrengs het in die tweede kwartaal van 2016 effens tot 8,62 gestyg van ʼn hersiene eerstekwartaalvlak van 8,59%.

“Hoewel dit nog vroeg is, wil dit lyk asof ʼn styging in residensiële opbrengste na ʼn voorafgaande paar kwartale van verlangsamende afname ʼn aanduiding is van ʼn verlangsamende huiskoopmark, wat uitgeloop het op ʼn verlangsaming van die groei in huispryse.

“Daar kan verwag word dat die kombinasie die een of ander tyd sal oorgaan na stygende opbrengste en dit is moontlik dat ons in die vroeë stadium van so ʼn tendens is,” sê Loos.

Hy wys daarop dat huiskoopaanvraag teen laat 2013 stellig sy sterkste na-resessievlakke bereik het en prysgroei op ‘n jaargrondslag het op 8,6% gestaan. Op daardie tydstip het huurgeldstygings op ongeveer 5% geluier.

“Nou, na meer as twee jaar van geleidelike rentekoersverhogings deur die SARB (Reserwebank) en in die vyfde jaar van stagnasie in breë ekonomiese groei, kan dit wees dat die huiskoopmark genoeg momentum verloor het vir opbrengste om te begin styg, en in die 2de kwartaal van 2016 was daar so ʼn baie effense styging van 8,59% na 8,62%.”

Loos merk op dat ten spyte daarvan dat koop-om-te-verhuur-huiskopery beskeie bly en dit ‘n gelykmatige impak op die groei in beskikbare huurruimte en opbrengste het, kan dit wees dat die huuraanvraaggrondbeginsels die laaste ruk kon begin versterk het. Hy skryf dit toe aan eerstekeerkoop wat onder toenemende druk kom vanuit ʼn uitdagende ekonomiese omgewing.

“In die eiendomsagentoorsig van die 3de kwartaal van 2016 het geraamde eerstekeerkope tot 18% van totale huiskope verlangsaam, wat minder as die vorige kwartaal se 21% is en nou beduidend onder die 28%-multijaarhoogtepunt wat in die tweede kwartaal van 2014 bereik is.

“As mens na die onmiddellike toekoms kyk, kan mens inderdaad ʼn geleidelike verdere styging in residensiële opbrengste verwag. Suid-Afrika is ver op die pad van ekonomiese supersiklusstagnasie, wat ook sosiopolities ʼn meer ongestadigde en onsekere tyd kan wees. So ʼn omgewing behoort ook tipies ʼn minder selfversekerde en konserwatiewe huishoudelike sektor teweeg te bring,” sê Loos ten slotte.

 

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161