Huiseienaars: Hoeveel jy (ekstra) hoes ná die rentekoersverhoging

Vrydag, Januarie 29th, 2016

Eugene Brink

Huiseienaars is weens hul blootstelling aan groot langtermynskuld taamlik uitgelewer aan rentekoersverhogings.

Die Suid-Afrikaanse Reserwebank het Donderdag die repokoers met 50 basispunte verhoog van 6,25% na 7,25% te midde van ’n verswakkende wisselkoers, stadige ekonomiese groei en stygende inflasie. Uitleenkoerse het sedert die begin van 2014 met ’n kumulatiewe 175 basispunte gestyg.

Huiseienaars en voornemende kopers gaan daarom dieper moet delf en die gordels stywer moet trek omdat hierdie stygings ’n gevoelige hou toedien. Daar is boonop verdere rentekoersverhogings in 2016 op pad.

Die volgende verhogings sal nou geld op eiendomme wat oor ’n periode van 20 jaar gefinansier is:

  • Op ’n eiendom van R500 000 gaan jy nou R4 908 per maand opdok en dus R166 meer per maand betaal.
  • Op ’n eiendom van R800 000 gaan jy nou R7 853 per maand betaal – R265 meer per maand.
  • Op ’n huis of meenthuis van R1 miljoen gaan jy R331 meer per maand opdok en R9 816 betaal.
  • Op ’n verband van R1,5 miljoen gaan jy nou R14 715 per maand betaal; dus R497 meer.
  • Op ’n verband van R2 miljoen is hierdie bedrae onderskeidelik R19 633 en R663.

Indien jy ’n verband van R1 miljoen aflos, betaal jy al R1 138 meer per maand sedert die rentekoers in Januarie 2014 begin styg het. In die geval van ’n R1,5 miljoen-verband is dit R1 707 per maand meer en vir R2 miljoen is dit R2 276 meer.

“Verbandterugbetalings gaan styg en verdere finansiële druk op verbruikers in die algemeen en huiseienaars in die besonder plaas. Dit sal die vraag na eiendom en verbandfinansiering laat afneem en in 2016 sal nominale eiendomsprysgroei in enkelsyfers bly,” het Jacques du Toit, eiendomsekonoom by Absa, oor die impak van die nuutste styging aan Solidariteit Wêreld gesê.

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170