Hofuitspraak: Geen genade vir belasingbedrog

Vrydag, Februarie 3rd, 2017

Sanette Viljoen

 

In die saak Joubert v S (2012) het die hof streng opgetree teen belastingbedrog en daar is getoon dat belastingontduikers geen genade moet verwag nie.

ʼn Rekenmeester het verskeie maatskappye opgerig en geregistreer met vals inligting. Daarna het hierdie maatskappye vals fakture en BTW-opgawes gegenereer en by SAID ingedien. SAID het BTW-terugbetalings van R425 843,33 uitbetaal voordat die bedrog ontdek is.

Die saak is aangehoor in die streekhof, waar die rekenmeester gevonnis is tot sewe jaar gevangenisstraf, wat in sy geheel opgeskort is.

Die rekenmeester het die skuldigbevinding op appèl geneem sonder om die nagevolge daarvan te oorweeg. Die hoë hof van appèl was van mening dat ʼn vonnis wat in sy geheel opgeskort word heeltemal onvanpas is en uitermate toegeeflik. Die hoë hof maak dit duidelik dat bedrog en korrupsie hoogty vier in ons land en dat die samelewing strenger optrede van die hof verwag. Die skuldige was ʼn gekwalifiseerde rekenmeester en beklee dus ʼn vertrouensposisie. Die bedrog het baie fyn beplanning geverg en is oor ʼn lang tydperk uitgevoer.

Om bostaande redes het die hoë hof die skuldigbevinding bekragtig. Die vonnis is egter gewysig en die sewe jaar opgeskorte gevangenisstraf is verander. Die hof het beveel dat drie jaar van die gevangenisstraf effektief gemaak en uitgedien moet word. Die oorblywende vier jaar word voorwaardelik opgeskort.

Hierdie vonnis is baie welkom in ons land. Die hof het ook hiermee ʼn sterk waarskuwing aan die publiek gestuur.

Ander Artikels

Kry só die beste agent as jy huis verkoop
Vir baie van ons gaan die verkoop van ’n eiendom gepaard met hoë vlakke van angstigheid en onheil. So, waar kry mens iemand wat jy kan vertrou om jou deur die gevare en slaggate van die verkoopstransaksie te stuur? Volgens die Rawson Eiendomme is daar ’n paar belangrike goed om na op te let.   […]
Inkopies kan terapeuties wees
Dit is al gesê dat om op ʼn inkopie-tog te gaan negatief konnotasies het. Onder andere word materialisme en selfbevrediging voorgehou as redes om nie te koop nie. Om te koop en loerkoop (“window-shopping”) kan egter terapeuties wees, help jou om verandering te hanteer en verbeter jou bui. Moenie inkopie-terapie sommer afmaak as iets ligsinnig […]
Ken jou regte as ʼn deeltiteleienaar
Om in ʼn deeltitelkompleks te bly, het baie voordele. Dit kan egter minder aangenaam wees om te bly in ʼn kompleks wat deur andere bestuur word, veral as die voorsitter van die regspersoon hom of haar verbeel dat hy of sy meer magte as enigeen van die ander inwoners het. Laat ons dit duidelik stel: […]
1 2 3 160