Hoër prysgroei vir dié eiendomme, maar . . .

Vrydag, Februarie 5th, 2016

Eugene Brink

 

Ten spyte van die onlangse rentekoersstyging van 50 basispunte het sommige segmente van die middelsegmenthuismark ʼn prysgroeistyging in Januarie getoon.

Die jaar 2015 was in alle kategorieë ʼn moeilike jaar vir prysgroei aangesien dit te midde van moeilike ekonomiese omstandighede sy daling deur die jaar voortgesit het. “Maar ten spyte van uitdagende ekonomiese toestande waardeur verbruikers geraak word, soos stygende inflasie en rentekoerse, was die hoër prysgroei in sommige segmente van die huismark hoofsaaklik toe te skryf aan die basis-effek van ʼn verlangsaming in prysgroei ʼn jaar gelede,” sê Absa-eiendomsontleder Jacques du Toit.

Volgens Du Toit het prysgroei in die middelsegment van klein- en mediumgrootte huise in Januarie 2016 as gevolg van bogenoemde basis-effek op ʼn nominale jaar-tot-jaar-grondslag verbeter, terwyl groei in die groot kategorie begin verlangsaam het na ʼn opwaartse tendens teen die einde van verlede jaar. In werklikheid was huisprysgroei in 2015 laer as 1% op ‘n jaargrondslag in die klein- en mediumgrootte kategorieë, met werklike prysgroei van 1,6% op ‘n jaargrondslag wat in die groot segment aangeteken is. Voortgesette reële prysdeflasie is tot aan die einde van verlede jaar in die kategorie vir klein huise waargeneem.

John Loos, eiendomsontleder by ENB, het onlangs gesê die beste prysgroei in die residensiële mark is nou aan die onderpunt van die mark te vinde en wel by deeltitel-eiendomme en tweeslaapkamerhuise. Dit is te danke aan die bekostigbaarheid van, en daaropvolgende hoër vraag na, hierdie kleiner eiendomme.

Die gemiddelde nominale waarde van huise in elk van die middelsegment-kategorieë was in Januarie 2016 soos volg:

 

– Klein wonings (80m²-140m²): R904 000

– Mediumgrootte wonings (141m²-220 m²): R1 281 000

– Groot wonings (221m²-400m²): R1 957 000

 

Ten spyte van hierdie stukkie goeie nuus, waarsku Du Toit dat die eiendomsmark deur 2016 sal strompel. “Die vooruitsigte vir die residensiële eiendomsmark in 2016 behels gedempte groei teen die agtergrond van die verwagte lae reële ekonomiese groei van slegs 0,9% vir vanjaar, lae indiensnemingsgroei, stygende inflasie en hoër rentekoerse.”

 

 

 

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161