Hoekom jy jou huis in die winter moet verkoop

Vrydag, Junie 17th, 2016

As dit by huisverkoop kom, aanvaar baie mense dat die winter die slegs moontlike tyd is om die mark te betree. Op stuk van sake, die dae is kort en koud, tuine sukkel, en klammigheid kan ’n probleem wees – dis vanselfsprekend dat die meeste huise nie so goed sal lyk as in warmer seisoene nie.

 

Tony Clarke, besturende direkteur van Rawson Eiendomsgroep, sê egter dat, in teenstelling met die algemene opvatting, kan die winter eintlik ’n uitstekende tyd wees om ’n huis te verkoop.

 

“Wanneer jy ’n huis verkoop, ding jy mee met ander huise wat op dieselfde tyd vertoon word, en nie met ander huise wat in ’n warmer, droër seisoen vertoon word nie. Kopers koop ’n eiendom na vergelyking, ongeag die seisoen, en hoewel jou huis dalk nie so aanloklik lyk soos in die somer nie, hoef dit net aanlokliker te lyk as ander eiendomme ten einde goed verkoop te word,” verduidelik Clarke.

 

“Die goeie ding in daardie opsig is dat daar in die winter baie minder kompetisie is en dit dus baie makliker is om jou huis as die aantreklikste opsie te posisioneer – veral as jy gewillig is om ’n bietjie ekstra moeite op skoudae te doen.”

 

Jy vra dalk of kopers nie in die winter ophou soek na eiendom nie? Neem die aanvraag nie dramaties af in die kouer maande nie, met pryse wat dienooreenkomstig val?

 

“Daar is definitief minder loerkopers,” gee Clarke toe, ”omdat mense minder geneig sal wees om vir die pret skouhuise te besoek as dit koud en reënerig is, maar dit kan in jou guns tel omdat dié wat wel kom, byna verseker ernstige kopers is. Dit kan eintlik baie slim wees om in die winter huis te soek,” voeg hy by, “omdat, as jy van ’n huis hou as dit koud en donker is, jy waarskynlik gek gaan wees daarna as dit helder en sonnig is. En jy sal presies weet hoe gerieflik dit in die winter is.”

 

Clarke verdryf gou die algemeen aanvaarde mite dat eiendomme in die winter laer pryse haal as in die somer. “Verkooppryse het baie meer te doen met aanvraag, beskikbaarheid en met hoeveel herstel- en opknapwerk die huis dalk nodig het as met die seisoen waartydens jy verkoop,” sê hy. “Trouens, daar is internasionale studies wat toon dat eiendomme wat in die winter in die mark is vinniger verkoop word – en teen hoër pryse – as soortgelyke huise in die somer.”

 

Om jou huis in die winter op sy beste te vertoon en doeltreffend met ander eiendomme mee te ding, beveel Clarke ’n paar eenvoudige kunsies aan om ’n warm en aanloklike omgewing te skep.

 

“Maak al die gordyne en blindings oop, sit ’n lig of twee in elke vertrek aan – ’n helder huis is ’n vrolike huis en in die winter tel dit twee maal meer. Om ’n verwarmer aan te sit of ’n vuur aan te steek om die koue uit die lug te haal, help ook, net soos skoon en netjiese ruimtes met ’n paar blompotte met vars blomme hier en daar om lewe en kleur by te voeg. Onthou om vars handdoeke in die badkamers te sit, om klam en muf reuke te vermy en om skimmel op die bry tussen die teëls en op mure en plafonne skoon te maak.”

 

Versover dit tuine betref, stel Clarke voor dat mens ’n paar weke of maande voordat jy wil verkoop blomme plant wat in die winter blom of ’n paar potte met blomme op strategiese plekke sit as jy nie tyd het om voor te berei nie. “Dit is ook belangrik om die gras en heinings netjies te hou en alle dooie blare bymekaar te hark,” sê hy.

 

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170