Hoekom huispryse in Mei vinniger gegroei het

Woensdag, Junie 1st, 2016

Eugene Brink

 

 

Hoër algemene inflasie is waarskynlik agter die effens vinniger huisprysgroei in Mei.

John Loos, eiendomsontleder by ENB, sê die ENB Huisprysindeks het in Mei ’n groeikoers van 7.4% op ’n jaargrondslag aangeteken, wat effens vinniger is as die 7.0% hersiene koers van die vorige maand. “In reële terme – aangepas vir Verbruikersprysinflasie – is die koers egter nie te ver van die nulvlak af nie. Die reële groeikoers was 0.7% op ’n jaargrondslag in April en dus effens hoë as die 0.3% in die vorige maand.”

“Hoër nominale huisprysinflasie kan deels toegeskryf word aan die vertraagde uitwerking van die skuif na ’n hoër inflasie-omgewing regoor die ekonomie oor die laaste jaar.”

Loos sê terwyl die aanvraag nie skouspelagtig sedert die 2008/’09 resessie is nie, kom voorraadtekorte wyd voor en die bou van nuwe huise bly bedeesd. Dit dra by tot die markbalans wat nou heers.”

Afgesien van die inflasionêre aspek, noem Loos twee ander moontlike, en dalk ietwat verrassende, redes vir die hoër huisprysgroei in Mei. “Ons glo dat die versnelling ook toegeskryf kan word aan ’n effens beter ekonomiese omgewing wat tydens 2016 se tweede kwartaal posgevat het na ’n treurige eerste kwartaal.

“Ons glo ook dat ’n deurslaggewende bydraende faktor in die Nasionale Huisprysindeks se groeikoers die sterk vertoning deur die Wes-Kaapse streek se huismark is. Die ENB Wes-Kaapse Huisprysindeks het ’n groeikoers van 12% op ’n jaargrondslag tydens die eerste kwartaal aangeteken. Vergeleke hiermee was die ander streke heelwat stadiger. Die Oos-Kaap het 7.6% aangeteken, KwaZulu-Natal 5.6%, Gauteng slegs 3% en die ander vyf kleiner provinsies slegs 1.7%.”

 

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170