Hoe om vir langtermyndoelwitte te spaar

Donderdag, Oktober 27th, 2016

Om vir die toekoms te spaar kan moeilik wees en soos tydmors lyk as jy elke maand net deurskraap. As jy egter langtermynspaardoelwitte stel en daarvoor spaar, sal dit jou help om die groot dinge te bekostig, soos ‘n huis, ’n motor, onderwys en aftrede. Jy kan só begin en geldslim word.

 

Wat is langtermynspaar?

Dit kan ’n paar jaar neem om langtermynspaardoelwitte te bereik – gewoonlik langer as 60 maande, afhangende van jou finansiële instelling. Jy verdien meer rente as met korttermynspaardoelwitte, en daarom is dit belangrik om die regte spaarrekening te kry.

 

Voorbeelde van langtermyndoelwitte sluit die volgende in:

  • ’n Huis
  • ’n Motor
  • Onderwys
  • Aftrede

 

Volg hierdie vyf goue wenke om jou te help om jou langtermynspaardoelwitte te bereik:

  1. Stel ’n begroting op sodat jy kan weet hoe jy jou geld bestee en om dit beter te bestuur. Maak sekere jou begroting sluit jou uitgawes in en ’n bekostigbare bedrag wat jy weet jy elke maand kan spaar.
  2. Kry ’n afsonderlike spaarrekening wat by jou langtermynspaardoelwit pas. As jy seker is dit sal nie nodig wees om op die kort termyn geld uit hierdie rekening te onttrek nie, kies ’n langer termyn sodat jy meer rente kan verdien. Dit kan 32 dae kennisgewing wees, ens. As jy dink jy sal hierdie rekening dalk vir noodgevalle moet gebruik, moet jy ’n spaarooreenkoms met ’n korter termyn kies.
  3. Maak seker jy verstaan die bepalings en voorwaardes van die rekening. Hoeveel rente sal jy verdien? Wat is die voorwaardes om geld uit die rekening te onttrek? Hoeveel is die bankkoste?
  4. Spaar vir ’n doel. As jy spaar sonder ’n doel, is dit soos om ’n bal doelloos rond te skop. As jy ’n doelwit in gedagte het, help dit jou om te weet hoeveel meer jy nog moet spaar om dit te haal.
  5. Maak seker jou spaardoelwitte is haalbaar. Onthou, as jou doel is om ’n huis te koop, hoef jy nie vir die HELE prys te spaar nie. Jy moet net spaar sodat jy die deposito en die oordragkoste kan betaal. Dit is baie minder as die hele prys van die huis. As jy dan bank toe gaan en vir hulle wys jy kan ’n klein deeltjie van die koopprys betaal, sal hulle dalk meer bereid wees om die uitstaande bedrag vir jou te leen omdat hulle kan sien jy is finansieel verantwoordelik.

Om vir langtermyndoelwitte te spaar, vereis ’n mate van dissipline en soms opoffering. Dit sal egter op die lange duur die moeite werd wees wanneer jy in jou eie huis kan woon, met jou eie motor kan ry en vir jou kinders se onderwys en jou aftrede kan betaal. Spaar jou geld nou en word geldslim.

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161