Hanteer kredietkaartskuld só (en nie só nie)

Vrydag, Oktober 14th, 2016

Kredietkaartskuld is meer algemeen as wat jy dink. Terwyl dit soms oorweldigend mag voel, is dit moontlik om skuld baas te raak. Die belangrike ding om te onthou is dat alhoewel sommige aksies ʼn groter impak op skuld mag hê as ander, elke stap na ʼn nul-balans ʼn stap in die regte rigting is.

 

Die verantwoordelike pad

 

Betaal ʼn bietjie meer

Om meer as die minimum te betaal kan jou help om baie vinniger skuldvry te word en uiteindelik die bedrag wat jy skuld, verminder.

 

Betaal altyd betyds

Gereelde betalings help jou om skuld geleidelik te elimineer en wys dat jy verantwoordelik met krediet omgaan.

 

Plaas jou balans oor

Oorweeg dit om die balans om jou kaart na ʼn kaart oor te plaas met ʼn laer jaarlikse koers. Terwyl die oorplasing waarskynlik met ʼn fooi gepaard sal gaan, mag jy ʼn laer koers kry om jou te help om op die langtermyn rente te bespaar.

 

Hou jou beursie dop

ʼn Bietjie dissipline kan ver gaan. Beplan dienooreenkomstig vir groot items en volstaan by jou begroting vir alledaagse items. Onthou, as jy dit nie nodig het nie, moenie dit koop nie.

 

Kontak jou krediteure

Voordat jy oorweldig word, praat met krediteure. Hulle kan bespreek hoe om vinniger uit die skuld te kom as jy eerlik en openhartig met hulle praat.

 

Die skuldput

 

Betaal die absolute minimum

Die minimum bedrag laat jou skuld op die korttermyn meer hanteerbaar lyk, maar onthou: hoe minder jy nou betaal, hoe langer sal dit neem om die totale bedrag te betaal.

 

Betaal laat

Om laat te wees met betalings sal jou kredietrekord skaad. Die oorslaan van betalings kan lei tot fooie, boetes en selfs jou rentekoers verhoog.

 

Ignoreer die bepalings

Jou koers mag verhoog het en jou kaart mag jou meer kos as wat dit behoort te doen.

 

Gaan oorboord met aankope

Gebruik jou kaart tot die maksimum en dit mag lei tot boetes, rentekoerse verhoog en jou kredietrekord benadeel.

 

Verwaarloos jou record

ʼn Swak kredietrekord sal die koste verhoog van dinge soos huislenings, versekering, huishuur en dies meer.

 

 

Bron: Bank van Amerika

Ander Artikels

Skop vas en moenie onnodig koop nie
Anja van den Berg   Alles rakende jou supermark is bedoel om jou geld te laat bestee wat jy nie beplan het om te bestee nie, en selfs geld wat jy nie regtig hoef te bestee nie. Hoewel die meeste mense aan produkte dink in terme van die funksionele eienskappe daarvan – die instrumentele waarde […]
Agterbakse supermarktaktieke om jou onnodige goed te laat koop
Anja van den Berg   Het jy al ooit aanvaar dat iets ʼn winskoop is net omdat die prys in rooi geskryf is? Of besluit om daardie duur handsak of aktetas te koop omdat jy daarvan oortuig was dat jy dit verdien? Of ʼn hand vol ongesonde snoepgoed van die impulsrak gegryp terwyl jy toustaan […]
OTM-kaartruilslenters neem toe: Let op hiervoor!
Die Suid-Afrikaanse Bankrisiko-inligtingsentrum (Sabric) waarsku die publiek om op die uitkyk te wees te midde van die hoë voorkoms van OTM-kaartbedrog in die land. Die groep het gewaarsku dat daar weer ʼn “kaartruil”-skelmstreek in Suid-Afrika voorkom en ʼn uiteensetting van die betrokke skelms se modus operandi gegee om die publiek teen hul metodes te waarsku. […]
1 2 3 152