Goeie nuus vir huiskopers, slegte nuus vir eienaars

Donderdag, Oktober 8th, 2015

Eugene Brink

 

 

Huisprysgroei van minder as 0.2% maand-op-maand is in September aangeteken.

Voornemende huiskopers kan ook ’n sug van verligting slaak want huispryse gaan traag groei vir die res van die res van 2015 en ook in 2016. Maar vir verkopers en huiseienaars is dit slegte nuus.

“Die gemiddelde nominale waarde van huise in die verskeie kategorieë van middelsegment-behuising in Suid-Afrika se groei op ’n jaargrondslag was betreklik laag in die eerste nege maande van 2015 gebly,” sê Jacques du Toit, eiendomsontleder by Absa.

“Reële huisprysgroei, ná aanpassing vir verbruikersinflasie, was steeds tot en met Augustus onder druk teen die agtergrond van trae nominale huisprysgroei en tendense in verbruikersprysinflasie gedurende die jaar. ’n Mate van reële prysinflasie is in Augustus in die klein en groot kategorieë van middelsegment-behuising aangeteken. Die gemiddelde prys van middelgrootte-behuising het sedert ’n jaar gelede effens in reële terme gedaal.”

Volgens du Toit is die gemiddelde nominale waarde van klein huise in die middelsegment-kategorieë (80m²-140m²) R884k, vir middelgrootte huise (141m²-220m²) is dit 1.225 m en vir groot huise (221m²-400m²) is dit R1.995 m.

Hy sê vebruikers gaan nog verder onder finansiële druk kom oor die volgende 12 tot 18 maande weens lae ekonomiese and indiensnemingsgroei, inflasionêre druk en stygende rentekoerse. “Die makro-ekonomiese tendense en toestande van huishoudings se finansies sal in die banke se aptyt vir risiko en uitleenkriteria weerspieël word. Hierdie faktore, tesame met verwikkelinge betreffende verbruikersvertroue, sal belangrik bly ten opsigte van die prestasie van die eiendomsmark. Dit sal ook duidelik wees in die aanvraag vir, en bekostigbaarheid van, finansiering vir huislenings.”

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161