Gemiddelde ouderdom van huiskopers styg stewig

Vrydag, April 15th, 2016

Eugene Brink

 

Moeilike ekonomiese omstandighede en die jeug se gevoeligheid vir veranderinge in bekostigbaarheid is besig om eiendomstransaksie-volumes en die aantal eerste kopers te laat daal terwyl dit die gemiddelde ouderdom van huiskopers opstoot.

John Loos, eiendomstrateeg by ENB, sê jong aspirantkopers word ook deur sentiment beïnvloed, en is hoogs sensitief vir veranderinge in banke se uitleenkriteria omdat hulle so swaar van krediet afhanklik is as ’n groep. “ ’n Betreklik sterk mark tussen 2012 en 2014 het skynbaar tot ’n afname in die persentasie van indiwiduele kopers tussen die ouderdomme van 20 en 29 bygedra, van 16.34% van alle kopers in die derde kwartaal van 2011 tot 13.63% in die laaste kwartaal van 2015. Hierdie persentasie het nou skerp gedaal vanaf die laaste dekade se 20.81%-hoogtepunt in Februarie 2002.”

Hy sê die resultaat is dat die gemiddelde ouderdom van indiwiduele huiskopers nagenoeg 44 jaar is – 43.82 in Februarie 2016. “Dit verteenwoordig ’n aansienlike styging van die raming van 40.65 jaar aan die einde van 2007, toe die hoogkonjunktuur ten einde geloop het.”

Luidens die ENB Eiendomsagent-opname in 2016 se eerste kwartaal het eerstekoop-transaksies as ’n persentasie van die totale verkope verlangsaam.

Dit bly egter ’n stewige bron van behuisingsaanvraag deurdat dit 21% van alle residensiële transaksies verteenwoordig, hoewel dit vanaf die vorige kwartaal se 26% afgeneem het. “Hierdie persentasie is nietemin goed vergeleke met die 12%-laagtepunt wat tydens die resessie in 2008 bereik is,” sê hy.

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170