Francois Smit, besturende direkteur van Solidariteit Finansiële Dienste, beantwoord vier algemene vrae rondom spaar

Dinsdag, Julie 14th, 2015
  1. Hoeveel persent van jou inkomste behoort ’n mens maandeliks te spaar? Insluitend bydraes tot aftreefondse, moet ’n mens ten minste 15% spaar. Dit is meer as wat die meeste mense besef. Daar moet twee planne in jou begroting wees om te spaar. Die eerste is om voorsiening te maak vir aftrede. Die belangrikste faktor hier is om die volle belastingvoordeel wat jy kry vir jou bydraes te gebruik. Die tweede is om ʼn fonds op te bou vir noodgevalle of om ʼn spesifieke belegging daarmee te maak.
  2. Waarom is dit nodig om te spaar? Elke mens behoort daarna te streef om finansiële onafhanklikheid te bereik. Om finansieel onafhanklik te wees beteken dat jou inkomste uit jou beleggings of spaargeld jou maandelikse begroting dek. Jy is dus nie meer van ʼn salaris afhanklik nie en geniet die versekering dat jy en jou gesin nie finansieel sal swaarkry as jy byvoorbeeld jou werk verloor nie. As jy nie spaar nie, sal jy nooit daarby uitkom nie.
  3. Wat behoort ’n mens met jou spaargeld te doen? Afhangende van jou ouderdom, beveel ons gewoonlik aan dat mense die hoogste moontlike (berekende) beleggingsrisiko neem. Dit beteken dus dat jy beleggingsmoontlikhede wat ʼn hoë opbrengs inhou, moet oorweeg. Indien jy egter jou aftrede nader, is dit wys om eerder konserwatief met beleggings om te gaan. Onthou – hoe hoër die opbrengs, hoe groter die risiko daaraan verbonde. Indien jy tussen 25 en 40 is, oorweeg suiwer aandele-fondse. Oor tyd lewer dit die beste opbrengs. Indien jy 50 en ouer is, oorweeg om jou aandele blootstelling in jou portefeulje bietjie ter verminder. Dit gaan oor tyd die opbrengs beïnvloed, maar gaan jou ook beskerm teen negatiewe markbewegings. Wees versigtig vir beleggingslenters wat bogemiddelde opbrengste beloof. Dit is gewoonlik te goed om waar te wees.
  4. Wat as jy eenvoudig nie kan bekostig om te spaar nie? Ongelukkig beteken dit dan dat jy bo jou vermoë lewe. Kan jy dalk sny op sekere onnodige uitgawes? Hoe gouer jy dit doen hoe beter, anders gaan jy op die lang duur baie spyt wees.

Vir enige ander vrae, stuur ʼn e-pos na sfdadmin@solidariteit.co.za.

  • Lindie de Beer

    Ek spaar in ‘n flexi fix van FNB. Is dit voldoende?

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170