En die vinnigste huisprysgroei is te vinde in . . .

Vrydag, April 22nd, 2016

Eugene Brink

 

Watter provinsie beskik oor die hoogste huisprysgroei en aantal herhaaldelike kopers terwyl dit ook die duurste residensiële eiendomme het?

Dit is nie die woelige Gauteng nie, maar trouens die meer ontspanne Wes-Kaap. “Die ENB Huisprysindeks vir die Wes-Kaap vir die eerste kwartaal van 2016 het 12% op ’n jaargrondslag gegroei. Dit is vinniger as die 10.5% wat in die vorige kwartaal aangeteken is, en is die hoogste prysgroeikoers wat sedert 2006 se eerste kwartaal aangeteken is,” sê John Loos, eiendomstrateeg by ENB.

He sê die Wes-Kaap het die hoogste huisprysgroei in die eerste kwartaal gehad, gevolg deur Namibië (8.1%) en dan die ander groot Suid-Afrikaanse provinsies met die Oos-Kaap op 7.6%, KwaZulu-Natal op 5.6% en Gauteng op slegs 3%. “Ons glo dat hierdie betreklik meerderwaardige residensiële markvertoning toegeskryf kan word aan ’n groter tekort aan grond in die Wes-Kaap vergelyk met, byvoorbeeld, Gauteng. Maar dit stop nie daar nie, met die provinsie wat ’n persepsie gebou het vir goeie bestuur in die provinsie en die Stad Kaapstad. Kaapstad het ook ’n kombinasie van ’n goeie leefstyl sover dit stede betref, en ’n sterk diensgeoriënteerde ekonomie wat toenemend sake- en werksgeleenthede verskaf.”

Loos sê die gewildheid van die provinsie het tot ’n netto invloei van herhaaldelike kopers gelei. “Die netto invloei van herhaaldelike huiskopers na die Wes-Kaap is skouspelagtig en maak 12.2% van die provinsie se herhaaldelike kopers uit. Dit het stewig sedert 2009 opgetel en verdwerg die netto migrasie koerse van die ander agt provinsies.”

Een area waarin die provinsie wel agter geraak het, is eerste kopers. “Luidens ons ENB Eiendomsagentopname het die Wes-Kaap sedert 2009 ’n merkbaar laer vlak van eerste kopers as die nasionale vlak gehad. Ons vermoed dat ’n aansienlike hoeveelheid van sy jonger vaardige inwoners na die binneland trek om hul loopbane in die groter Gauteng-ekonomie te begin,” sê Loos.

Ander Artikels

Kry só die beste agent as jy huis verkoop
Vir baie van ons gaan die verkoop van ’n eiendom gepaard met hoë vlakke van angstigheid en onheil. So, waar kry mens iemand wat jy kan vertrou om jou deur die gevare en slaggate van die verkoopstransaksie te stuur? Volgens die Rawson Eiendomme is daar ’n paar belangrike goed om na op te let.   […]
Inkopies kan terapeuties wees
Dit is al gesê dat om op ʼn inkopie-tog te gaan negatief konnotasies het. Onder andere word materialisme en selfbevrediging voorgehou as redes om nie te koop nie. Om te koop en loerkoop (“window-shopping”) kan egter terapeuties wees, help jou om verandering te hanteer en verbeter jou bui. Moenie inkopie-terapie sommer afmaak as iets ligsinnig […]
Ken jou regte as ʼn deeltiteleienaar
Om in ʼn deeltitelkompleks te bly, het baie voordele. Dit kan egter minder aangenaam wees om te bly in ʼn kompleks wat deur andere bestuur word, veral as die voorsitter van die regspersoon hom of haar verbeel dat hy of sy meer magte as enigeen van die ander inwoners het. Laat ons dit duidelik stel: […]
1 2 3 160