Ek het R250 000 gewen!

Maandag, Desember 8th, 2014

Geskryf deur: Charl Oberholzer

R250 000

Dis wonderlik, ek kry gister ‘n boodskap dat ek ‘n MTN kompetisie gewen het (alhoewel ek Cell C is). Ek bel toe onmiddelik die nommer (gewone selfoon nommer) terug en daar word vir my gesê dat die stelsel aandui dat ek inderdaad R250 000 gewen het en onmiddelik my bankbesonderhede en ‘n R180 MTN beltyd-kode aan hul moet stuur. Ek kon skaars my lag hou en giggel toe verskriklik soos ek mense op ‘n streep bel om die goeie nuus te verkondig. Die giggel het egter in ‘n grom verander…

Ek word toe ontnugter met die idee dat dit ‘n bedrogspul is, dat niemand jou sal vra om jou bankbesonderhede oor die foon te gee nie (of dalk is al my vriende net bitter jaloers). Dis nou ‘n dillema, wat as dit waar is?

Ek het besluit om ‘n rekening te gaan oopmaak by die bank en daardie besonderhede deur te stuur en dan te kyk wat gebeur. Indien die geld nie inbetaal word nie sal ek net nooit weer daardie rekening gebruik nie. Sal almal op hoogte hou wat gebeur.

Hier is ‘n paar opsies wat ek oorweeg om met die geld te doen:

1.) ‘n Motor koop wat se vensters kan oopmaak en se stuurwiel nie gebreek is nie

2.) Lid word van AfriForum en Helpende Hand

3.) Lotto speel

4.) Vir myself ‘n persoonlike assistent aanstel

5.) ‘n MTN simkaart gaan koop

Sê asb vir my dit is nie ‘n bedrogspul nie???

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150