Eiendomme nou langer op die mark

Woensdag, September 14th, 2016

Eugene Brink

 

 

As jy jou eiendom wil verkoop, maak seker dat geduld een van jou deugde is.

Die geraamde gemiddelde tyd van eiendomme op die mark het sedert die begin van die jaar heelwat langer geword ─ ten spyte daarvan dat die uitslag van die plaaslikeregering-verkiesings die mark skynbaar ʼn hupstoot gegee het.

In ʼn bespreking van die 3de kwartaal se FNB-eiendomsagentoorsig, sê John Loos, eiendomstrateeg by FNB, dat hierdie tydperk van 11 weke en een dag in die eerste kwartaal van 2016 gerek het na 14 weke in die derde kwartaal. Dit dui op ʼn afname in aktiwiteit in die eiendomsmark. “Indien die vraag inderdaad verlangsaam het en voorraad meer geword het, sou mens verwag dat die gemiddelde tyd van huise in die mark op die ou end sou toeneem. Dit wil lyk of dit, met ʼn mate van vertraging, begin gebeur het na die verlangsaming in vraag en met voorraadbeperkings wat inderdaad skynbaar al vir ʼn tyd lank aan die afneem is,” sê hy

“Van laat 2014 tot vroeg 2016 het die geraamde gemiddelde tyd op die mark min of meer sydelings beweeg nie ver van die 12-weke-vlak af nie. Meer onlangs in die winterkwartale van 2016 het ons egter ʼn merkbare opwaartse beweging in hierdie gemiddelde tyd gesien.”

Loos sê dit is die hoogste raming sedert die 15 weke en 3 dae wat in die laaste kwartaal van 2013 aangemeld is.

Dit is ongeag die feit dat ʼn stewige 24,7% van die agente wat deelgeneem het, geglo het dat die uitslag van die plaaslikeregering-verkiesings verbruikersentiment aangewakker het. “Die terugvoer was ʼn persepsie dat die verkiesing suksesvol verloop het en dat die situasie in die land meer stabiel is na die verkiesing.”

Daarenteen het slegs ‘n skamele 3,3% van die agente wat deelgeneem het positiewe verbruikersentiment as gevolg van ʼn verbeterde ekonomie gesien en net 8,7% van die totale respondente het verhoogde koper- en verkoperaktiwiteit gesien. “Eintlik het die hele groep agente wat in die derde kwartaal ondervra is ʼn verlangsaming van die algehele aktiwiteit in die mark aangedui.”

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150