Eiendom: Moenie jou rentekoers vaspen nie

Donderdag, September 22nd, 2016

Die moontlikheid van verdere rentekoersstygings hierdie jaar en vroeg volgende jaar het baie leners laat skarrel na hul banke om vaste rentekoerse op hul huislenings en ander skuld te kry.

Berry Everitt, BD van die Chas Everitt International eiendomsgroep, sê egter die regte tyd om ʼn koers vas te stel, is wanneer rentekoerse in die algemeen daal of konstant bly, nie wanneer hulle styg nie.

“Teen die tyd dat die Reserwebank begin het om koerse te verhoog en die banke verdere verhogings verwag, sal jy waarskynlik ʼn stewige premie vir die voorreg van ʼn konstante maandelikse terugbetaling gevra word.

“As jy byvoorbeeld op die oomblik die prima koers van 9,25% op jou huislening betaal, sal die meeste banke die koers tot 11,25% (en waarskynlik hoër) opstoot as jy hulle nou vir ʼn vaste koers vir, sê maar, die volgende twee jaar vra.

“En op ʼn huislening van R1 000 000 sal dit ongeveer R1 000 elke maand by jou verbandterugbetaling voeg, wat nogal ʼn hoë prys is om te betaal die ‘gemoedsrus’ om te weet dat hierdie terugbetaling vir die volgende 24 maande dieselfde gaan bly.”

Hy merk op dat om hierdie bykomende bedrag elke maand te betaal, nie die termyn van jou huislening sal verkort of op lang termyn enige geld sal bespaar nie.

“In werklikheid sal dit geldvermorsing wees tensy die prima koers skielik in die volgende paar maande na 11,25% spring, wat onwaarskynlik is.”

Everitt sê as jy hierdie bykomende R1 300 per maand kan bekostig, sal dit dus baie beter wees om dit te gebruik om die kapitaaldeel van jou lening so vinnig moontlik minder te maak.

“Amortisasietabelle toon in werklikheid dat indien jy nou begin en dit vir net ses maande doen, jy ʼn balans van R1 miljoen tot ongeveer R983 000 kan afbring ─ en ʼn 2%-verhoging in rentekoerse sal kan hanteer sonder enige verandering in die totale maandelikse paaiement wat jy normaalweg betaal.”

Hierbenewens, sê hy, as rentekoerse werklik met minder as dit styg maar jy hou aan om elke maand dieselfde bedrag te betaal, sal jy jou leningstermyn met etlike jare verkort en honderde duisende rande aan belasting spaar.

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170