Eiendom: Maak seker jy oorkapitaliseer nie

Vrydag, November 4th, 2016

Stefanie Keplinger-Esterhuizen, Acutts

 

Een van nuwe eiendomsbeleggers se grootste vrese is oorkapitalisering.

Wat beteken oorkapitalisering in ʼn beleggingseiendom? Wanneer kopers ʼn eiendom koop as ʼn inkomsteverdiener fladder hulle dikwels rond tussen enersyds geen verbeterings aanbring nie uit vrees dat hul huurders dalk duur skade kan aanrig, en andersyds te veel spandeer aan opgraderings in ʼn area waar hoër huurgeld nie gevra kan word nie. Albei scenario’s is geldige bekommernisse en hier onder volg ʼn paar dinge wat in gedagte gehou moet word om te help om ʼn ingeligte besluit te neem wanneer jy dit oorweeg om ʼn beleggingseiendom te koop.

Wanneer jy opgradeer, oorweeg dit om geld te spandeer net aan geriewe wat maklik is om in stand te hou en jou verdienstepotensiaal sal vergroot. ʼn Voorbeeld hiervan is om ʼn badkamer op te gradeer sodat dit ʼn bad en ʼn stort het; eenhede met volbadkamers kan in enkelinge sowel as gesinne se behoeftes voorsien.

Oorweeg altyd duursame teëls wat op ʼn later stadium nog beskikbaar sal wees. ʼn Voorbeeld hiervan is die standaard wit Jonson-teël wat by die meeste kleinhandelaars beskikbaar is. Hierdie badkamerteël is duursaam en maklik vervangbaar, en wie hou nou nie van ʼn wit badkamer nie? As jy dit oorweeg om die badkamermure te verf, vra altyd vir iets wat duursaam is en beskerming teen skimmel en muf bied. Gebruik wasbare verf in neutrale kleure op die slaapkamer- en woonkamermure ─ en hou in gedagte dat huurders byna altyd die kinderkamer- of glanspuntmure sal wil verf, en deur ʼn neutrale kleur te gebruik, kan jy die koste minimaliseer wanneer jy oorverf.

Vermy matte heeltemal ─ hulle is duur om te lê, skoon te hou en moeilik om in klein ruimtes te vervang. Wanneer jy ʼn eiendom koop met die uitsluitlike doel om dit te verhuur, oorweeg altyd die mees duursame vloerteëls (hoe eenvoudiger, hoe beter). Houtvloere het baie sjarme maar word altyd bedreig deur boorinsek- en termietskade, en lamelvloere is moeilik om in stand te hou en die meeste van die bekostigbare handelsmerke is nie waterbestand nie. Huurders moet ook geleer word hoe om vir hierdie vloere te sorg en hulle in stand te hou, so teëls is altyd die sekere veilige manier.

Die kombuis is een plek waar jy moet spandeer. Installeer soliede toonbanke en deeglike kombuiskaste omdat hulle baie slytasie sal moet deurstaan, en hou in gedagte dat die kombuis en die badkamer die twee mees gebruikte ruimtes in ʼn eiendom is en daarom ook die grootste verkooppunte wanneer huurders geplaas word.

Geniet die huissoek!

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161