Eiendom: Kyk mooi na die verkoopooreenkoms

Vrydag, Februarie 3rd, 2017

Sanette de Jager

 

Daar is ʼn goeie rede waarom ons regstelsel streng formele vereistes stel wanneer dit kom by die koop en verkoop van vaste eiendom. Die meeste verkopers en kopers kyk oppervlakkig na die koopkontrak en neem aan alles is in orde. Maak seker u prokureur gaan saam met u deur daardie kontrak om seker te maak alles is reg.

Die hoë hof het onlangs in een van sy uitsprake die koopkontrak van ʼn deeltiteleenheid ongeldig verklaar om twee eenvoudige tegniese redes.

  1. Die verkoper was ʼn regspersoon. Die persoon wat die kontrak onderteken het namens die regspersoon was nie skriftelik gemagtig om dit te doen nie. Daar was nie genoeg bewyse van magtiging nie.
  2. Die koper was ook skuldig. Die koper was binne gemeenskap van goedere getroud en het nie die nodige skriftelike toestemming van sy gade gehad om die ooreenkoms aan te gaan nie. Indien ʼn verkoper nie geweet het of nie redelikerwys kon weet van sodanige afwesigheid van toestemming nie, sal die reg hom wel te hulp kom. In hierdie spesifieke geval is daar egter bevind dat die verkoper (die regspersoon) se verteenwoordiger met die sluiting van die ooreenkoms wel deeglik daarvan bewus was dat die koper getroud was.

Die hof het derhalwe bevind dat die koopooreenkoms fataal gebrekkig was en die transaksie gevolglik ongeldig verklaar.

Maak seker jou kontrak voldoen aan al die tegniese vereistes wat ons reg stel. ‘n Tegniese fout kan veroorsaak dat die kontrak ongeldig is.

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161