Eerstekeerhuiskopers: Gauteng troef Kaapstad

Donderdag, Januarie 12th, 2017

Eugene Brink

 

Die probleem van bekostigbaarheid kan moontlik eerstekeerhuiskopers daarvan weerhou om hulle in Kaapstad te vestig en dit hou tot groot uitdagings in vir die streek se behoud van jonger mense wat oor skaars vaardighede beskik.

“Ons weet dat die beperkte grond waaroor die Stad Kaapstad beskik die afgelope aantal jare tot beduidend groter groei in huispryse gelei het as in die ander belangrikste streke, en dat daar ook ʼn groot netto migrasie na Kaapstad plaasgevind het van mense uit ander streke wat hul volgende huise daar koop,” sê John Loos, eienkomsekonoom van ENB in sy kommentaar oor die vier kwartaallikse ENB Eiendomsagent-opnames wat in 2016 gepubliseer is.

“As die opname se jaarlikse gemiddelde verkope vir die belangrikste streke ontleed word, is dit opmerklik dat Kaapstad by verre die laagste geraamde persentasie eerstekeerhuiskopers oplewer, naamlik 13%. In vergelyking daarmee is die geraamde persentasie eerstekeerhuiskopers in die belangrikste Gauteng-streke soos die groter Johannesburg en Tshwane veel hoër, naamlik 22% en 24% onderskeidelik.”

Loos sê dat eerstekeerhuiskopers die afgelope ruk in ʼn benarde posisie was en as ʼn persentasie van algehele huiskopers steeds daal. Hy skryf dit daaraan toe dat hulle swaar op krediet steun en meer kwesbaar is vir ekonomiese gebeure en rentekoersstygings. “Dit is dus nie verbasend nie dat die steekproef van eiendomsagente wat deur die loop van 2016 gemonitor is, beraam dat eerstekeerhuiskopers 20% van die totale aantal kopers uitmaak, wat beteken dat hierdie persentasie vir die tweede agtereenvolgende jaar ʼn daling toon, van ʼn hoogtepunt van 26,5% in 2014 en 24,25% in 2015.

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161