Druk neem toe op eerstekopers en meenthuismark

Vrydag, Julie 29th, 2016

Eugene Brink

 

In die huidige ekonomiese klimaat kies voornemende eiendomkopers – veral dié wat die eerste keer koop – natuurlikerwys kleiner en goedkoper eiendomme.

Dit is hoekom deeltiteleiendomme en woonstelle in die na-resessietydperk so gewild geword het dat deeltiteleiendomme in Mei 2016 byna 30% van alle eiendomtransaksies uitgemaak het. Selfs in die deeltitelsektor wil dit egter voorkom asof die voorkeur klein eerder as groot eiendomme is.

“Die kleinste grootte deeltitelsegment, naamlik die ‘minder as 2 slaapkamers’-segment, het steeds in die tweede kwartaal van 2016 ‘n baie sterk dubbelsyferprysinflasie van 13,7% getoon,” sê John Loos, eiendomstrateeg by FNB.

“Ver agter was die tweeslaapkamersubsegment met 7%-groei, terwyl die grootste ‘3 slaapkamers en meer’-kategorie met ‘n gemiddelde prysgroei van 5,1% die stadigste was. Al 3 hierdie subsegmente het verlangsamende prysgroei getoon.”

Loos sê dat hoewel die vraag en prysgroei steeds sterk is in die deeltitelmark, dit in die laaste tyd ’n spoedhobbel getref het. “In die tweede kwartaal van 2015 het FNB se Deeltitelhuisprysindeks ‘n effense verlangsaming in jaar-op-jaar-groei tot 6,3% ondervind teenoor die vorige kwartaal se 7%. In vergelyking hiermee het FNB se Voltitelhuisprysindeks ’n effens hoër jaar-op-jaar-styging van 7,38% aangeteken.”

Hy skryf hierdie neiging toe aan eerstekopers wat toenemend onder druk kom. “Eerstekeerkoop het in die jongste tyd beduidend afgeneem van ‘n geraamde hoogtepunt van 28% van totale huisaankope in die tweede kwartaal van 2014 tot 21% van totale huisaankope in die tweede kwartaal van 2016.

“Hoewel dit steeds ‘n betreklik goeie persentasie is, is eerstekopers oor die algemeen meer kredietafhanklik en dus rentekoerssensitief as herhalende huiskopers en ons glo dat stygende rentekoerse sedert begin 2014 die rede was vir die matige afkoeling onder eerstekopers.”

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161