Die voordele van sekwestrasie

Woensdag, Oktober 7th, 2015

Sanet de Jager

 

 

Die woord sekwestrasie of insolvensie klink vir baie mense drasties en negatief. Min word daar besef dat dit ’n baie meer stabiele, langtermyn-oplossing vir skuld is. Die positiewe impak wat dit tot gevolg kan hê, word onderskat en reik ver meer as die negatiewe aspekte of beperkings daarvan.

Die grootste voordeel is seker die verligting wat sekwestrasie meebring. Deur middel van sekwestrasie raak jy wetlik ontslae van ongeveer 80% van jou skuld. Sekwestrasie haal dus die berg van finansiële probleme van jou skouers af. Dit bied jou die kans om voor te begin en om ‘n sterk en gesonde kredietrekord te herstel. Slegs vier jaar na sekwestrasie kan jy aansoek doen om gerehabiliteer te word. Sekwestrasie maak jou wyser en laat jou toe om foute van die verlede te vermy. Na sekwestrasie val enige vonnis verkry teen jou ook weg.

Dan is daar die beslagleggingsbevele wat op jou salaris geplaas is en wat beheer oor jou inkomste beperk het. ’n Klein aftrekking hier en ’n ander een daar en as jy jou oë uitvee het jy byna niks van jou salaris oor nie. Hierdie aftrekkings deur skuldeisers sal ook met sekwestrasie verwyder word.

Jy het voorts die reg om jou roerende bates na sekwestrasie te behou en dit word nie op ‘n veiling verkoop deur ‘n terugkoop-ooreenkoms met jou hof-aangestelde kurator nie.

Die gereelde hofverskynings vir skuldinvorderings kom ook tot ’n einde. Met ’n aansoek om sekwestrasie is dit nie vir jou nodig om in die hof te verskyn nie. Jou prokureur sal ’n advokaat aanstel wat in die Hooggeregshof verskyn en die saak namens jou aan die regter opdra.

Die gereelde pogings om skuldeisers en skuldinvorderaars te ontduik is ook nou iets van die verlede. Jy hoef nie meer vrae te beantwoord en onderhandelings met skuldeisers aan te gaan nie. Jou prokureur sal navrae namens jou hanteer en dit dan aan jou kurator rig vir die verspreiding van krediteure-voordeel.

Jy het dus die kans om weer normaal te funksioneer en jou geldsake is weer stabiel.

 

 

 

  • Stanley Robertson

    Vir my sal dit maar steeds ‘n vernedering bly.

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170