Die 10 vreemdste goed wat nog ooit verseker is

Dinsdag, Desember 13th, 2016

Het jy al ooit jou versekeringsmaatskappy gebel en bietjie skaam gekry om te vra of hulle ’n ietwat meer … ongewone item sal verseker?

Wel, vandag is jou gelukkige dag want ons gaan terugkyk op ’n paar van die vreemdste voorwerpe en voorvalle wat nog ooit verseker is. Nadat jy na ’n paar van hierdie sonderlinge versekeringspolisse gekyk het, sal jy besef dat jy nie rede het om verleë te voel nie.

 

  1. Geklapperde harspan

Na ’n nie-so-goed-nagevorste studie in 1984 deur dr. Peter Brass wat onder die titel Injury due to falling coconut gepubliseer is, was vakansiegangers skielik banger vir vallende klappers op die strand as vir haaie in die see. Dit het Club Direct, ’n Britse reisagentskap, aangespoor om versekering teen “besering deur vallende klappers” uit te neem, wat tot op hede tot net een nie-noodlottige eis opgelewer het.

  1. Kersvader se baard

Lloyds of London verseker die baard van Brady, die “amptelike” Kersvader van die massiewe afdelingswinkel Macy’s.

  1. Keith Richard se middelvinger

Die Rolling Stones se rocker lyk dalk onaantasbaar na al die jare van misbruik waaraan hy na bewering sy liggaam onderwerp het, maar skynbaar is sy ghitaarvingers nie so duursaam nie, met die middelvinger alleen wat vir $1,5 miljoen verseker is.

  1. Wie wil ’n miljoenêr wees?

Natuurlik is die antwoord “almal”! (behalwe miskien miljardêrs). Dié speletjiesprogram is verseker vir geval iemand die miljoen rand wen net sodat hulle nie die volgende seisoen op ’n selfoon sal hoef op te neem nie.

  1. Ruimtewesens

Lloyds of London het skynbaar al byna 60 000 polisse uitgereik teen ontvoering deur ruimtewesens of teen verandering in ’n weerwolf of vampier … ons vind dit vreesaanjaend dat mense werklik gewillig is om maandelikse premies te betaal vir sulke gek polisse.

  1. Werknemers wat loterye wen

Heimelik wil ons almal die lotery wen sodat ons ons werk kan los en in ’n reusagtige boomhuis in die middel van ’n tropiese woud kan gaan woon … reg? Reg, maar wat word van die werkgewers wat met ’n groot gat in hulle werkmag bly sit? Jy’t reg geraai, loterywennersversekering. Ons is seker daardie werkgewers sal dit nie aan ’n weggaanpartytjie bestee nie …

  1. Die Loch Ness-monster

Eers ruimtewesens en nou prehistoriese meermonsters … wat nog? In die 1970’s het Cutty Sark, ’n whiskymaker, gedink dit sal prettig wees om ’n kompetisie uit te skryf wat £1 miljoen uitloof aan enigiemand wat ou Nessie lewendig kan vang. Hulle het hulself ook daarteen verseker dat iemand regtig die waterdier sou vang. Miskien het hulle self ’n paar skeute van hul voorraad gebruik want in 40 jaar kon niemand nog met ’n voorbeeld vorendag kom nie.

  1. Miley Cyrus se tong

Wie gaan nou haar musiek verseker? Hahahahaha! Ons speel net …

  1. Vallende satelliete

Jy weet, net omdat die klappers jou nog nie bygekom het nie, beteken dit nie dat jy veilig is teen vallende ruimterommel nie.

  1. Zombie-apokalips

Dit is een van ons gunstelinge … ons het egter net een vraag – as die wêreld oorval word deur ondooie monsters, wie gaan lank genoeg ophou weghardloop om jou eis te verwerk?

 

Bron: KingPrice Insurance

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161