Deeltitel: Wat om aan onnodige spesiale heffings te doen

Vrydag, April 29th, 2016

Vraag

 

Wat kan mens doen in verband met onnodige spesiale heffings? Wat maak ’n noodgeval uit wat die oplê van ’n spesiale heffing regverdig en watter verhaal het die eienaars as die trustees ’n spesiale heffing oplê vir uitgawes wat nie as ’n noodgeval beskou word nie?

 

Antwoord

 

Hoewel die term “noodgeval” dikwels in hierdie konteks gebruik word en dikwels gepas is, moet die omstandighede wat deur PMR 31(4B) voorgeskryf word wat trustees toelaat om spesiale heffings op te lê, sodanig wees dat die uitgawe onderliggend aan die spesiale heffing (a) nodig is, en (b) een moet wees waarvoor daar nie begroot is nie.

Mense sal dikwels verskil oor die kwessie van noodsaaklikheid, d.w.s. of die uitgawe kan oorstaan of nie vir insluiting in die begroting wat by die volgende algemene jaarvergadering (AJV) deur die eienaars goedgekeur word. ’n Hof of arbiter sal waarskynlik ’n spesiale heffing bekragtig as dit kommersieel sin maak vir die skema om die fondse gouer as via die AJV-proses te bekom.

Die kwessie van verhaal is baie moeilik. Teoreties, as die saak dringend is, kan ’n eienaar wat voel dat die spesiale heffing op ’n verkeerde wyse opgelê is die hooggeregshof nader vir ’n bevel wat dit ongeldig verklaar. In deeltitelsake is litigasie in die hooggeregshof egter selde geregverdig as gevolg van die hoë koste en vertragings wat betrokke is. As die saak nie dringend is nie, kan ’n ontevrede eienaar ingevolge PMR 71 arbitrasie instel, maar ook dit is baie duur en tydrowend.

Die mees praktiese reaksie vir ’n ontevrede eienaar sou wees om beduidende steun onder ander eienaars in die skema te verkry ten einde die trustees by die volgende AJV te beperk ten effekte dat hulle nie ’n spesiale heffing van meer as Rx kan oplê sonder die sanksie van ’n meerderheidstem by ’n algemene vergadering van eienaars nie. En, natuurlik, moet die eienaars konserwatief begroot en omvattend verseker sodat spesiale heffings nie nodig is nie.

 

Bron: Paddocks

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161