Deeltitel: ‘Onwenslike’ inwoners is eienaar se verantwoordelikheid

Vrydag, Julie 22nd, 2016

Eugene Brink

 

In veelvoudige eenheid deeltitel-ontwikkelings is dit waarskynlik dat daar altyd een of twee inwoners sal wees wat deur meeste van die ander as “onwenslik” beskou word. Wanneer dit gebeur, word die beheerliggaam dikwels deur die lede daarvan ingeroep om op te tree.

Tony Clarke, besturende direkteur van die Rawson Eiendomsgroep, sê egter dat die beheerliggaam nie volkome mag het nie want in baie gevalle van “ongewenste” inwoners huur die oortreder van die eienaar – en in Suid-Afrikaanse wet, indien die beheerliggaam daadwerklik wil optree, byvoorbeeld ʼn boete teen sodanige persone hef, moet hulle deur die eienaar van die eenheid werk, wat geheel en al verantwoordelik gehou sal word vir die probleem.

Waar eenvoudige huisreëls oortree word, sê Clarke, mag die beheerliggaam of die bestuursagent in staat wees om die saak direk met die moeilikheidmaker uit te klaar, maar die mag om veranderings te maak rus steeds by die eienaar – en, herinner Clarke ons, hy is daarop geregtig om aan enige persoon van sy keuse te verhuur op voorwaarde dat die inwoner die huisreëls gehoorsaam.

Soms, sê Clarke, sal dit ontdek word dat die inwoner ʼn kriminele rekord het of aan een of ander onwettige aktiwiteit deelgeneem het. Die beheerliggaam is egter nie in ʼn posisie om die inwoner se verwydering te eis nie tensy hy die huisreëls van ʼn ontwikkeling oortree, byvoorbeeld deur te veel persone toe te laat om daar te woon of raserige partytjies te hou. Selfs in hierdie gevalle moet die beheerliggaam deur die eienaar werk.  Clarke sê dit word gevolglik uiters belangrik dat eienaars gebruik maak van verantwoordelike huur-agente. Hierdie mense het toegang tot baie doeltreffende IT-gebaseerde kontrolestelsels, wat byna altyd enige vorige nie-prestasie aan die kant van die voorgenome inwoner as werknemer, as ʼn inwoner elders of as kredietbetaler sal openbaar.

Clarke sê voorts dat hierdie tipe navorsing ook sal openbaar of die voorgenome inwoner ʼn kriminele rekord het. Beheerliggame van deeltitelskemas wat graag “ongewenste” inwoners wil verhoed, moet, sê hy, dit ernstig oorweeg om een van die beter huuragentskappe te identifiseer en te gebruik wat toegang het tot die baie nuttige kontrolemeganismes wat, wanneer eers toegepas, effektief blyk te wees om te verseker dat die gehalte en betroubaarheid van die inwoners in baie skemas bo verdenking is.

 

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170