Deeltitel: Mag jy heffings terughou?

Donderdag, November 24th, 2016

Jennifer Paddock

 

 

’n Eienaar is nie daarop geregtig om heffings terug te hou ter verrekening van skuld wat sy reken deur die regspersoon aan haar verskuldig is nie.

Daar is geen bepaling in die Wet op Deeltitels , Wet 95 van 1986 (“die Wet”), of die voorgeskrewe reëls wat aan ‘n eienaar die reg gee om heffings wat behoorlik ingestel is, terug te hou nie. Selfs al is ’n eienaar van mening dat die regspersoon haar geld skuld, gee dit haar nie die reg om eenvoudig wat na haar mening die bedrag van die eis is, te verreken deur haar heffingbetalings terug te hou sonder dat die kwessie bereg is nie. ’n Mens is daarop geregtig om ’n “likiede skuld” te verreken slegs nadat die kwessie deur ’n arbiter of ’n regter bereg is.

Die wetlik korrekte manier vir ’n eienaar om ’n situasie te hanteer waar sy reken die regspersoon skuld haar geld, is om aan te hou heffings betaal en te probeer om die geld wat sy reken aan haar verskuldig is, deur die wetlike kanale, naamlik arbitrasie of gedingvoering, te verhaal.

As ’n eienaar haar heffings terughou, is sy onderhewig aan die volgende “sanksies” ingevolge die voorgeskrewe reëls:

 

1. Ingevolge voorgeskrewe bestuursreël 31(6) is die trustees daarop geregtig om ’n rentekoers te bepaal wat op agterstallige bedrae toegepas moet word, en die terughou van heffings kan dus op die lange duur vir die eienaar aansienlik meer kos as net die heffingsbedrae.

2. Voorgeskrewe bestuursreël 64 bepaal dat, behoudens die gevalle van spesiale en eenparige besluite, ’n eienaar nie daarop geregtig om te stem as enige bydraes wat deur haar ten opsigte van haar deel betaalbaar is, nie behoorlik betaal is nie. ’n Eienaar wat haar heffings terughou, kan dus nie stem oor gewone besluite ten opsigte van die deel waarvoor sy die heffings terughou nie.

 

Bronne: Paddocks

 

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161