Data wys huurders nie bestand teen stygende rentekoerse, swak ekonomie

Vrydag, April 1st, 2016

Eugene Brink

 

 

Die konvensionele siening dat huuropbrengste sou versterk na gelang rentekoerse verhoog word en minder mense gevolglik hul eie huis sou kon koop en bekostig, word nie deur die huidige stel feite ondersteun nie.

“Teenoor geleidelik stygende rentekoerse het ons ‘n baie swak ekonomie en miskien is dit ‘n bietjie te veel om ‘n beduidende versterking van huuraanvraag te verwag. Huurders en aspiranthuurders ondervind ook die negatiewe uitwerking van ‘n verswakkende ekonomie,” skryf ENB se eiendomstrateeg, John Loos, en Tenant Profile Network se besturende direkteur, Michelle Dickens, in hul jongste oorsig van residensiële opbrengs.

Hulle sê die TPN-ENB se Nasionale Gemiddelde Bruto Residensiële Opbrengs het gedurende die hele 2015 die afwaartse tendens voortgesit wat reeds vroeg in 2014 begin het.

“Gegewe die tendens van geleidelik stygende rentekoerse het ons teen hierdie tyd ‘n bietjie meer ten opsigte van huurinflasie verwag. Hierteenoor het ons egter ‘n baie swak ekonomie gehad en dit kan dalk beduidende finansiële beperkings plaas op die huurderpopulasie en sy vermoë om stygings in huurgeld te absorbeer.

“Tot nou toe was die styging in rentekoerse baie stadig en klein in omvang en dusver lyk dit nie of dit veel vir huurgeld doen nie.”

Die nasionale gemiddelde opbrengs het verder van 8,53% in die derde kwartaal van 2015 tot 8,48% in die 4de kwartaal verswak. Dit is steeds ‘n redelik aantreklike groeikoers vanuit ‘n eienaar se perspektief, maar is ook in die algemeen goeie nuus vir huurders en aspiranthuurders wat finansieel gesond is. Die huurgeld en potensiële huurgeld eskaleer nie vinnig nie en in werklikheid daal hul groeikoers.

Guteng is die streek met die grootste styging in huuropbrengste, maar huurders in die provinsie is ook van die grootste sondebokke as dit by wanbetaling kom. “In die 4de kwartaal van 2015 het die twee grootste Gauteng-metro’s, naamlik die Stad Johannesburg (9,01%) en Tshwane (8,90%), die grootste opbrengste getoon, met Ekurhuleni effens laer (8,53%). Die Ethekwini-metro (Durban) het ook opbrengste van 8,53% getoon.

“Terselfdertyd sien ons dat KwaZulu-Natal en Gauteng van die Groot 4-provinsies die swakste betalingprestasies toon, met 81,2% huurders in KZN wat presteer en 85,4% in Gauteng. In vergelyking hiermee het Nelson Mandelabaai (opbrengs 8,41%), die grootste metro in die Oos-Kaap, ‘n effens laer opbrengs as die Gauteng- en KZN-metro’s en ‘n hoër persentasie betalende huurders (88,2%) as Gauteng en KZN.”

In Kaapstad is die teenoorgestelde waar. Dit toon ‘n opmerklik laer persentasie opbrengs as in die ander metro’s, naamlik 8,03%, maar teen 88,7% het die Wes-Kaap die hoogste persentasie presterende huurders.

 

 

 

 

 

 

 

 

 

 

 

 

 

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150