BTW-registrasie in ’n neutedop

Dinsdag, Desember 1st, 2015

Sanette de Jager

 

 

Die afkorting BTW staan vir belasting op toegevoegde waarde, wat beheer word beheer deur die Wet op Toegevoegde Waarde van 1991. Elke vervaardiger, verspreider of verskaffer wat ’n produk hanteer voordat dit die verbruiker bereik, moet BTW betaal. Met ander woorde, belasting word betaal elke keer as daar waarde toegevoeg word tot die produk.

’n Besigheid moet vir BTW geregistreer word wanneer die besigheid se omsetwaarde meer as R1 miljoen per jaar is. Dit word bereken op die totale verkope sonder om die inset- , uitset- of ander koste te verreken of af te trek. Indien die besigheid se omset minder as R1 miljoen per jaar is, kan die eienaar self besluit of hy vrywillig vir BTW wil registreer. ’n Besigheid mag egter nie vir BTW registreer indien die omset minder as R50 000 per jaar is nie.

Indien jou besigheid se omset meer is as R50 000 per jaar en die besigheid baie goedere van verskaffers aankoop, sal dit wys wees om wel vir BTW te registreer; sodoende kan jy die bedrag verskuldig aan SARS verminder deur BTW terug te eis. BTW is terugopeisbaar wanneer die insetkoste die uitsetkoste oorskry. Indien dit andersom is, is die verskil tussen die twee die BTW wat aan SARS verskuldig is.

Indien die besigheid ’n BK of ’n maatskappy is, moet daar vir BTW geregistreer word in die naam van die besigheid. Indien dit ’n eenmansaak of ’n vennootskap is, word dit geregistreer in die naam van die eienaar. Sodra die besigheid geregistreer is, word ’n registrasienommer vir die besigheid uitgereik. Die besigheid moet daarna 14% BTW hef op alle goedere en dienste wat hy verskaf.

SARS vereis dat alle BTW-fakture die volgende inligting moet bevat:

  • Die woord Belastingfaktuur.
  • Die BTW-registrasienommer van die besigheid.
  • Die bedrag BTW wat die kliënt betaal het afsonderlik van die prys van die goedere of dienste.

Alle BTW-fakture wat jy van ander besighede ontvang, moet ook al hierdie besonderhede bevat. Indien ‘n faktuur nie hieraan voldoen nie sal sodanige SARS-terugbetalingseis nie slaag nie.

Maak seker dat jy alle rekords bewaar van BTW wat ingevorder word. BTW-rekords moet vir 5 jaar bewaar word.

 

 

 

 

  • quintinn

    Ek wil graag weet hoe kan besighede elke twee maand BTW terug betaal word deur SAID en die besigheid betaal baie maatskappy belasting jaarlikes aan SAID So dit maak dit nie onmootlik dat daar bedrog/diefstal is met BTW nie anders koop die bestuur van die maatskappy baie voorraad aan vir eie gebruik en eie gewin Groete

Ander Artikels

Wie betaal vir die vervanging van ʼn meenthuis-uitlaatpyp?
Vraag: Gee asseblief raad oor wie verantwoordelik sou wees vir die vervanging van ʼn uitlaatpyp in die kombuis van ʼn eenheid as dit deurgeroes het en aan die buitekant van die eenheid afgebreek het.   Antwoord: Eienaars is verantwoordelik vir die herstel en onderhoud van hulle eenhede en die beheerliggaam het dieselfde verantwoordelikheid met betrekking […]
Tipes kontantbeleggings
VASTE DEPOSITOREKENING ʼn Vaste depositorekening is ʼn tipe spaarrekening waar jy jou kontant vir ʼn spesifieke tydperk deponeer in ruil vir ʼn vaste rentekoers, wat gewoonlik hoër is as een wat jy uit ʼn gewone bankrekening sou ontvang. Tipies vereis vaste depositorekenings dat fondse in die rekening gelaat word tot die vervaldatum, met moontlike boetes […]
Voertuigfinansiering verduidelik
Tensy jy ʼn rekenmeester is, is voertuigfinansiering gekompliseerd. Weet jy hoe finansieringsbepalings werk? Is dit ʼn goeie idee om ʼn residu te neem?  Wat van die rentekoers – moet jy dit vas of gekoppel neem? Ons het met WesBank gesels vir hierdie beginnersgids oor die finansiering van die motorvoertuig van jou drome! Bereken hoeveel jy […]
1 2 3 161