Benodig jy ’n verlengde waarborg op jou motor?

Donderdag, November 24th, 2016

’n Verlengde waarborg is in der waarheid ’n dienskontrak. Dit dek die koste van gespesifiseerde herstelwerk nadat die kar se vervaardigingswaarborg verstryk het. Dink daaraan as mediese versekering vir jou kar. Sommige verlengde waarborge is meer omvattend as ander.

Maak seker dat items wat die waarskynlikste sal faal, breek of verslyt, gedek is: teensluitremme, elektriese stelsels, transmissie, handkoppelaars, lugversorger en kragstuurkomponente. Lees die kontrak se fyn skrif om te bepaal presies wat ingesluit en wat uitgesluit is.

Verskillende vlakke van waarborg word dikwels aangebied met dekking wat vermeerder met elke verhoging in prys.

Benodig jy regtig ’n verlengde waarborg?

Verskillende waarborge dek verskillende herstelwerk, maar basies tree ’n verlengde waarborg in werking nadat die vervaardiger se waarborg ten einde geloop het. Die kern van die “benodig”-vraag is hoe lank beplan jy om die kar te hou? Indien jy jou kar elke twee of drie jaar inruil, sal die waarborg wat saam met die kar gekom het moontlik nog van krag wees. Indien jy die kar vir vyf jaar of langer hou, sal ’n verlengde waarborg dalk vir homself betaal.

Wat dit vir jou beteken: Benodig jy ’n verlengde waarborg? Vir ’n verbruiker wat ’n kar behou wat die limiete oorskry van die waarborg wat saam met die kar gekom het, kan ’n verlengde waarborg ’n bietjie gemoedsrus gee, al sal hy waarskynlik nie vir homself betaal nie. Maar verlengde waarborge is slegs waardevol as hulle sinvol geprys is en omvattende dekking bied.

 

Bron: Car Safety Portal

 

Ander Artikels

Art. 11(a) van die Wet op Inkomstebelasting en die aftrekbaarheid van renteonkoste op huislenings
Louis Botha     Op 13 Desember 2016 het die belastinghof in Kaapstad uitspraak gelewer in X v The Commissioner for the South African Revenue Service (saak no. 13791 & 13792, nog nie gerapporteer nie). Die saak het gehandel oor ʼn interessante vraagstuk, naamlik of uitgawes wat aan ʼn huislening aangegaan word om ʼn rente-inkomste […]
Huurverbeteringe: Mag ek vat of moet ek los?
Vraag: “Ons huur nou al vir ʼn paar jaar ʼn huis. Ek en my vrou het heelwat verbeterings aan die huis en tuin aangebring. Ek word nou verplaas en moet verhuis, maar wonder nou wat word van al die verbeterings aan die huurperseel. Mag ons dit saamneem of moet die verhuurder ons vergoed daarvoor?”   […]
Die beste wenke om jou huurdeposito terug te kry
Huurders in Suid-Afrika betaal tans enigiets tussen een en drie maande se huur as skadedeposito ─ maar is dikwels onseker van wat om te doen as hul huurkontrak verval. “Hoewel deposito’s dikwels gebruik word om huurwanbetaling of onbetaalde utiliteitsrekenings te dek, is hul hoofdoel om verhuurders teen skade aan die eiendom te dek,” sê Andrew […]
1 2 3 170