Belangrike belastingwenke vir 2017

Vrydag, Januarie 13th, 2017

Karen van der Berg

 

 

Daar is een ding wat jaar na jaar vas bly staan: Belasting moet betaal en bewyse daarvan moet ingedien word. Vir die meeste mense veroorsaak dit ʼn groot kopseer en slapelose nagte.

Dit is egter nie nodig nie, sê Coba Boshoff, ʼn belastingkonsultant van die Paarl.

“Daar is sekere dinge wat mense kan doen om te verseker dat hulle belasting heel jaar op datum bly en dit vergemaklik dinge wanneer dit belastingseisoen is.” Haar wenke:

1. Moenie uitstel nie
Dit kan verbasend baie werk behels om ’n belastingopgawe in te dien. Daarom moet jy liefs vroeg begin sodat jy jou opgawe kan indien voor die stormloop begin. Hoe vroeër jy jou opgawe indien, hoe vinniger kry jy jou geld terug indien jy ’n terugbetaling verskuldig is. En as jy jou belastingbydrae onderskat het, kan jy dalk heelwat bespaar op boetes en rente indien jy jou opgawe vroeg indien.

2. Gebruik eFiling
Die SAID se eFiling-diens is gerieflik, veilig en maklik om te gebruik. Dit bespaar jou tyd en die beslommernis van ’n papieropgawe en die gestaan in lang rye. Jy kan jou opgawe sonder enige probleme sewe dae van die week, 24 uur van die dag, indien.

3. Maak seker jy het al jou aanvullende dokumente gereed en hou dit gedurende die jaar op datum sodat jy dit byderhand het om jou opgawe in te dien en dit kan toon indien SAID daarvoor vra as hulle ’n oudit doen. Aanvullende dokumente kan insluit:
• Jou IRP5-belastingsertifikaat van jou werkgewer
• ’n Inkomstebelastingsertifikaat van jou mediesefondsskema
• ’n Lys van die kwitansies van mediese uitgawes wat nie deur jou mediesefondsskema gedek is nie
• ’n Belastingsertifikaat vir jou bydraes tot ’n aftreeannuïteit
• ’n Gedetailleerde logboek van jou sakereise en reiskoste vir die betrokke tydperk

4. Wees 100% eerlik
Dit is onwettig om leuens op jou opgawe te vertel deur jou uitgawes te vergroot of nie jou ware inkomste te verklaar nie. Daar is ’n noemenswaardige toename in die aantal willekeurige oudits wat deur SAID uitgevoer word sedert die aanvang van eFiling, en dit gaan gepaard met swaar boetes vir vals verklarings op belastingopgawes.

 

5. Gebruik kundige hulp

Nie seker van iets nie? Vra ’n belastingkundige. Die SAID het probeer om die lewe van die belastingbetaler te vergemaklik deur die papierwerk en die betaalproses te vereenvoudig, maar belastingsake kan steeds ingewikkeld wees. ’n Professionele belastingkonsultant kan jou ook help om wettige maniere te identifiseer waarop jy die hoeveelheid belasting wat jy elke jaar betaal te verminder.

• Vir enige belastingnavrae kan die SAID-inbelsentrum by 0800 00 7277 (0800 00 SARS) gebel word. Dit help jou om nie die risiko te loop om iets verkeerds te doen nie.

Ander Artikels

Afdwing van verbruikersregte deur die howe: Gebruik eers ander remedies
Justine Krige   Artikel 69 van die Wet op Verbruikersbeskerming (Wet 68 van 2008 [CPA]) sit ʼn verskeidenheid statutêre remedies uiteen vir die afdwing van verbruikersregte ingevolge die CPA. Dit sluit in die indien van ʼn klagte by die Nasionale Verbruikerskommissie (Kommissie), die verwysing van ʼn dispuut na die Verbruikerstribunaal (Tribunaal), of om ʼn bedryfsombudsman […]
Wie mag waar parkeer in ʼn meenthuiskompleks?
Vraag: “In die deeltitelskema waar ek woon is daar ʼn konstante gebaklei en gestry oor wie waar mag parkeer en wie verantwoordelik is vir die instandhouding van parkeerplekke. My vraag is: wie besluit watter dele van die skema vir parkeerplekke toegeken word, wie dit mag gebruik en wie dit moet in stand hou?” Antwoord: Wat […]
Moenie vanjaar val vir hierdie belastingslenters nie
Lede van die publiek ontvang dikwels ewekansig vals e-posse wat nagemaak is om te lyk asof hulle deur die SAID gestuur is, maar wat in der waarheid vals e-posse is wat daarop gemik is om niksvermoedende belastingbetalers uit te lok om persoonlike inligting, soos bankrekeningbesonderhede, te onthul. Voorbeelde sluit in e-posse wat skyn afkomstig te […]
1 2 3 150